Rritet numri i të penduarve, por ISIS i ekzekuton

nga **Agim Gashi** Tue Jul 14, 2015 6:14 pm

Rritet numri i të penduarve, por ISIS i ekzekuton

Kikboksieri dhe kampioni gjerman me prejardhje shqiptare, Valdet Gashi është personi i fundit që ka tentuar të arratiset nga ISIS-i, duke rrezikuar jetën e tij.
Një numër i madh i luftëtarëve të huaj të cilët i janë bashkuar ISIS-it, tashmë janë penduar dhe po përpiqen që të ikin nga sundimi tiranik i kësaj organizate famëkeqe, raporton Daily Mail.
Ata janë joshur nga ideja e rrejshme se do të marrin para të majme dhe femra të shumta pa dhënë ndonjë përgjegjësi. Por, me të shkuar atje po e kuptojnë një realitet krejt tjetër.
Kështu ka thënë, Observatori sirian për të Drejtat e Njeriut (SOHR), i cili ka shtuar se, realiteti i errët që po e përjetojnë ata nën mbretërimin e grupit terrorist, po i shtynë që të ikin sa më parë nga Siria dhe Iraku.
Kampioni gjerman kickboxing Valdet Gashi, i cili u bashkua me grupin terrorist në janar, mendohet se është vrarë ose burgosur nga militantët, prej të cilëve kishte tentuar të ikte muajin e kaluar.
Ky raport vjen disa ditë pasi lajmit se Reperi britanik Abdel-Majed Abdel Bary, është hedhur në humnerë nga autoritetet e ISIS-it, pasi kishte tentuar të arratisej.
Mendohet se deri në 22 mijë të huaj i janë bashkuar luftës në Siri dhe Irak, vende këto ku ISIS-i, kontrollon shumicën e territorit të tyre. Kështu thuhet në një raport të Kombeve të Bashkuara.
Kikbokseieri Valdet Gashi, mendohet se është vrarë pasi është kapur, duke bërë përpjekje që të arratiset nga ISIS-i, më 30 qershor në Aleppo. /BS

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30