AGIM GASHI - PO VINË „SHACAT“!

nga **Agim Gashi** Tue Jul 14, 2015 10:04 pm

AGIM GASHI

PO VINË „SHACAT“!
AGIM GASHI - PO VINË „SHACAT“! 3DEEA2E4-86E5-4FBB-ACEF-0BA4E2965D10_w640_r1_s

Qohuni burra se u bamë horë
Po na vinë shacat n´Kosovë,
Hajt ti presim si e kem ba adet
Me ua gërdit atdheun krejt.

Qohuni burra e qohuni gra
Mos t´ju zen more naj hata,
Mos i leni o punë me prekë
Në megrim ktheni pa brekë.

Po vinë shacat i lumi atdheu
Qesh n´Prishtin edhe Skënderbeu,
Qeshin vashat e djelmënia
Lind dashnia, shtohet tradhëtia.

Po vine shacat udhës t´kuqe
Ua prejmë pulat klluqe,
Pije u qesim nga uji i kaces
Piçet, zihet o mishi i maces.

Po vine shacat o dridhet dheu
Ngrihet n´kambë i tanë atdheu,
Netet po na i bajnë me dritë
T´u na rrejt, t´u na plaçkitë.

Që nga kufini e n´Qeveri
Na plaçkisin plak e i ri,
Të lavdojnë e t´bajnë të sames
Pastaj t´kahet loçka e nanes.

Shkon te shoket e diurshëm
Kur të shofin bahen t´gutshëm,
Të gjithë ankohen Iphonat n´dorë
Mos me pagu të bajnë hor.

Shkon me nxjerr çertifikata,
Kan me t´pritë me fjal të ngrata,
Nisin ankohen si nuk po kan
E ski qare diçka pa u dhanë.

Me t´zan polici mo ski dert
Hiç askush s´guxon me t´prekë,
Kur ja fut njiqindshen n´xhep,
Vetë je dhe, s´njifet ryshfet.

Me t´qitë puna n´Qeveri
Veç çka nuk t´hanë me sy,
Të trajtojnë si kafshë-magar
O i shkreti mërgimtar.

Del n´atdhe ti për sheti
Kah të shkosh has në xhami,
T´u i pa fmitë me shamia
Në mjerim k´to troje t´mia.

Kah të shkosh has n´mjekrrazi
Si në Irak ja si n`Siri,
Flasin turqisht e arabisht
Njerz n´fustana e mbrapa bisht.

Dikur grave ju thojshin inxhja
Ju bashkue tash edhe ninxhat,
Krejt në t´zeza sa ma ska
A janë burra more a janë gra?

Harruen luften e harruen hallet
Harruen krismat edhe malet,
Harruen vrasjet e pleqëve, fmisë...
Harruen gjakun e lirisë.

Ua ka shti Zoti terpinë
Me mujt e hanë edhe tepsinë,
Jeni ba të thart si thana
Mërgimtar, ik se t´u kajt nana.

14.07.15
Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30