U arrestua se vodhi bukë për të ushqyer fëmijët, indinjohet rrjeti

nga **Agim Gashi** Thu Jul 16, 2015 12:11 am

U arrestua se vodhi bukë për të ushqyer fëmijët, indinjohet rrjeti

Një indinjatë e madhe ka shpërthyer në rrjet pas lajmit se një person është arrestuar sot për vjedhjen e një buke.
Personi në fjalë, u raportua në media të dnryshme, se ishte një qytetar tepër i varfër i cili nuk kishte me çfarë t’i ushqente fëmijët.
“Falë Zotit, i vetmi që nuk është blerë ende nga banda që po shkatërron këtë vend është Facebook dhe Mark Zuckerberg…
Të gjithë mjerot që gazetojnë në tv apo gazeta, po merren me “iftarin me shije të kryeministrit”, “batutat me kripë”, dhe godinën Kryeministrisë që “për fat”, më në fund s’është më “zyrë shteti”…
TURP!!! Indiferencë kriminale në vendin e “Poemës së mjerimit”!!!”- qe reagimi i menjëhershëm i deputetit të Partisë Demkratike Gent Strazimiri.
Poemën në fakt burrit në fjalë ja dedikoi Besjan Pesha, ish-anëtar i LSI-së.

Ja çfarë shkruante ai:

Doli prape te Ushtari i Panjohur me shpresen se do vinte dikush. Kishte 10 dite rresht qe dilte, por kerkush nuk afrohej te kerkonte punetore. “Babaxhani” i fundit aty pari ishte shfaqur dhjete dite me pare. Kishte ngarkuar disa placka ne kat te tete dhe kishte marre 10mije leke te vjetra. Me ato kishte nxituar si budalla te blinte vec bukes edhe dy cokollata per femijet e nje shishe vaj e ca speca. Do ti skuqte e ti shijonte me gruan. “Budalla” i thoshte vetes. “Ja, mos kishe marre cokollatat, vajin e specat do kishe akoma buke ne shtepi. Sikur nuk e di qe ne behar nuk vjen kush te kerkoje punetore. Dy dite pa ngrene” mendonte ndersa i shkoi mendja menjehere te marketi i lagjes. “Ata jane njerez te mire. Do shkoj dhe do e marr nje buke. Capin tim do e ha aty brenda ndersa per femijet dhe gruan do e vjedh nje. Heren e fundit ma falen. Jane njerez te mire ata” dhe papritur gjeti fuqi e vrapoi per ne lagje. U fut brenda dhe ekzekutoi planin, por gjerat nuk shkuan sic i kishte menduar. Kesaj rradhe nuk e toleruan. Kesaj rradhe e arrestuan. Edhe pse u lut e pergjerua, kesaj here nuk ja falen. Teksa ikte me duart e lidhura i shoqeruar nga syte qortues te spektatoreve qe tundnin koken, syte i ngecen te ekrani i televizorit. “110 milione dollare deme i jane shkaktuar buxhetit te shtetit gjate vitit 2014″ ndriconin germat. ” 110 milione dollare” mendoi…”kushedi sa buke mund te blesh me to”…

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30