AGIM GASHI - MË PIKLLOI, BIJË,SHTËPIA JOTE E RE!

nga **Agim Gashi** Mon Jul 20, 2015 12:03 am

AGIM GASHI

MË PIKLLOI, BIJË,SHTËPIA JOTE E RE!
AGIM GASHI - MË PIKLLOI, BIJË,SHTËPIA JOTE E RE! 11737839_10153050223209077_6822341846184570461_n

Flej e qetë në dhe të huaj,
Shqipja ime, ti bija jonë.
Njëvjetori në banesë t´përjetshme
Dalngadalë po afron.

Na vjen gushti si flakë zjarri
Nënë e shkreta t´vjen te varri,
Mua t´mjerit më vlon balli
Pranë fotos sate më mbyt malli.

Fli e qetë moj bija ime
I pari gëzim i jetës sime.
Një ditë do t´vi te varri yt
T´lexon babi vargje shqip.

Fli e qetë në atë zemër guri
Me zemër t'pikëllueme ta fali burri,
Edhe djali me lot në sy
Banesë të re porositën për ty..

Të vijnë motrat e vllazëria
Te varri, zemër, e ytja shpia,
Gjyshja, halla e axhallar`
N`zemra Ty t´kujtojnë me mall´.

Pusho, bijë, n'banesën e re
Disa metra thellë në dhe,
Fli e qetë Engjëllusha e babit,
Çdo natë me lotë e shkymi mallin.

Gushti vale si zjarr i shpirtit
Të mori Ty dritë e syrit,
Valë janari e pushkët zjarr
Kur ma e vranë atë t´bukrin djalë.

Tani zemra qan, nuk ndalet,
Mendja si mos t'i merr malet?
N´vend që unë të jem atje
Ju të dy sot gjendeni n´dhe.

Sa here vjen gushti përlotur
Më ngulfat më vret në shpirt,
Fli e qetë moj bija e babit
N´tokë të largët të Suedisë.

19.07.2015
Düren

nga **Agim Gashi** Mon Jul 20, 2015 7:42 pm

Sefedin Dika ·

Agim, vella na perlote
Per voglushen qe tret dheri,
Fjala jote ndrit me shume
Se shtepiza prej mermeri.

Vecse fati, keshtu e deshi,
Eh sa gjera pa kjo bote
Ti je burre prej Kosove
Ndaj duro, e me pak lote.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

AGIM GASHI - MË PIKLLOI, BIJË,SHTËPIA JOTE E RE!

AGIM GASHI - MË PIKLLOI, BIJË,SHTËPIA JOTE E RE!

Re: AGIM GASHI - MË PIKLLOI, BIJË,SHTËPIA JOTE E RE!