LEJLA SELACI-TRIMRESHA MËRGIMTARE - Nga AGIM GASHI

nga **Agim Gashi** Wed Jul 22, 2015 2:48 pm

LEJLA SELACI-TRIMRESHA MËRGIMTARE

Nga AGIM GASHI

(Në kater vjetorin e shuarjes)
(09 01 1994 - 22.07.2011)

Sot u mbushen kater vite kur dora e një krimineli në Norvegji vrau dhe masakroi afër njëqind të rinjë dhe po aq i plagosi. Në mesin e të rinjëve ishte edhe shqiptarja Lejla Selaci e cila ishte edhe udhëheqëse e një grupi të rinjësh në ato aktivitet që organizoheshin ato ditë.
Si sot, para kater vitesh ishulli Utoja në Norvegjinë e largët, gumëzhinte nga zërat dhe buzqeshjet rinore nga e mabrë bota, jehonte kënga e rinisë, pa e ditur se aty do të mbaronte përgjithmonë udhëtimi i shqiptares 17 vjeçare Lejla Selacit, bashkë me shumë vasha e djelmosha nga i mbarë planeti dhe Norvegjia.
Kileri vrasës, norvegjezi Anders Breivik, me një gjakftoftësi prej krimineli të rryer, i dha zjarr armëve të tij automatike, për të vrarë sa më shumë. Menjëherë u ndal gazi e kënga. Vendin e zunë klithmat e vdekjes, trishtimi, paniku dhe tmerri që linte mbrapa vrasësi. Ai shtjente pa ndal, vriste çdokend, i etur për gjak rinor, për shuarje jetrash.Thjesht ai ishte një qenje e etur për gjakun e rinisë së pafajshme në atë ishull të bukur të Norvegjisë. Thjesht, ai ishte kriminel e shkuar kriminelëve.
Në atë katrahurë vrasjesh, në ato çaste për jetë a vdekje, Lejla jonë, bukuroshja me gjak shqiptari, për ta mbrojtur veten dhe bashkëmoshatarët e saja, u kap fyt më fyt me kriminelin Anders Breivik. Por, fuqia e saj e njomë nuk matej me fuqinë e kriminelit i cili ishte pregaditë me vite ta kryente masakren. U mundua mjaft, e shty, i foli, derisa ra e qëlluar me plumbat e tij vrastar. Ra ngadal e qendisur me plagë, gjaku i shkonte vadë si të ishte kanë nusrie, rrobat e saja iu bënë duvak, buzqeshja i mbeti e ngrirë me mendimin e fundit për Kosoven , mamin, babain, motrat, vllëzërit, miqë e mikesha...ndoshta edhe për jetën e ëndërruar të dasmës dhe princit të saj të jetës.
Para se të vritej Lejla e parandjeu rrezikun që i kanoset. Ajo i dergoi mesazh babait vetëm disa minuta para se të fluturonte qiellit. Bukuroshja Lejla shkruante:
“Babë, deshtëm me u nisë po nuk po na lejon policia me hip në anije se paska ndodhë një sulm në Oslo”!
Ishte ky mesazhi i fundit me telefon, që kishte pranuar Yrfete dhe Bajrush Selaci, të premten pasdite nga e bija Lejla (17) e që ishte mesazhi i fundit nga Utoya të Norvegjisë. Askush nuk e dinte se pas sulmit në Osllo, do të fillojnë krismat e vdekjes edhe në Utoja.
Për një ditë, Utoja, si ishulli më i vizituar e këtij shteti, u bë përmendore e dhjetra të rinjëve që aty gjeten vdekjen, u bë varri i njomzkëve që jeten e kishin para.
Sot, pas kater viteve, krimineli Anders Breivik, ndjehet i qetë, i buzqeshur dhe madje drejtësia e këtij shteti i lejoi edhe studimet në Universitetin e Osllos.
Nuk është çudi, që me drejtësinë e ndarë për këtë ngjarje që tronditi boten, krimineli Anders Breivik, një ditë të bëhet edhe Kryetar shteti në Norvegji.
Sa për shtetin e Kosovës, as që duhet të na shkon mendja se do ti bie ndërmend dikujt ta dergoj bile një ngushllim. Kështu si jemi bërë, i kemi edhe punët tona.
Neve na mbetet ta përkujtojmë, familjarët ta lotojnë me lule të freskëta te varri i saj dhe ta ndjejnë përgjithmonë mungesën e saj.
Fli e qetë trimresha Lejla.

22.07.2015
Düren

LEJLA SELACI-TRIMRESHA MËRGIMTARE - Nga AGIM GASHI 571d839be404b74380335d632a99126d?accessToken=f37265dd2e9b3d8f0402f7e9370fe4eb9b4bda4244ee7be6c5ce8c5af04a45e8

LEJLA SELACI-TRIMRESHA MËRGIMTARE - Nga AGIM GASHI 571d839be404b74380335d632a99126d?accessToken=f37265dd2e9b3d8f0402f7e9370fe4eb9b4bda4244ee7be6c5ce8c5af04a45e8

Në udhëtimin e fundit të Lejles drejt banesës së amshimit, moren pjesë shumë njerz.

AGIM GASHI

KUR U NDAL ZEMRA E LEJLES

(Kushtuar Lejla Selacit e cila dhunshëm u nda nga jeta sëbashku me afër njëqind të rinjë e të reja në ishullin Utoja të Norvegjisë)

LEJLA SELACI-TRIMRESHA MËRGIMTARE - Nga AGIM GASHI 11150389_10204254087897030_3101138408329406118_n

LEJLA SELACI-TRIMRESHA MËRGIMTARE - Nga AGIM GASHI 11150389_10204254087897030_3101138408329406118_n

I
O moj Lejla e shqiptarit
Heroinë në Norvegji,
Gjakun derdhe, jetën fale,
Vajzë e njomë plot bukuri.

II
Fati i jonë si fat jetimi
Na përcolli në botën mbarë,
Kudo të shkojmë e të punojmë
Na thërrasin mërgimtar.

Të huaj n´atdhe e në dhena t´hueja
Kemi mbetë në mexhë të askujt,
Herë na vrasin e herë na rrahin
Sikur leckat tue na gjujt.

Mërgimtar njerz të pafat
Edhe vdekjen e kemi t´randë,
Vdesim në punë, në rrugë e parqe,
Pa e pas afer askand.

Por ma e randa ashtë kur na vrajnë
Na e marrin jetën në pafajsi,
Të merr plumbi e të pren thika
Pa t´pyet a je plak a i ri.

Jeta e jonë prej refugjati
Ashtë nji jetë e mbushun lot,
E dhumbshme dje, sot e nesër,
Me tragjedi e mbushun plot.

Prej shumë vdekjeve të randa plumb
Me kangë vaji e lot në sy,
Sot ja kushtoj 17 vjeçares
Që e vranë në Norvegji.

III
Pushoj pak sa me i fshi lotët
E sharkis telat me ja shtrengu,
Me i thanë zemres mos u ndal
Këtë kangë vaji pa e këndu.

Kur ju këndoj zemrave t´njoma
Që n´këtë jetë nuk rrahin ma,
Të thahet fyti e t´mashtron zani
Lotët rrjedhin pa ia nda.

E mendoj Lejlen skur Nelin
E përcjell vajin me sharki,
Kokrra loti pa ndal rrjedhin
Përse vritet kjo rini?

Erdhën prindërit nga Kosova
N´fund të botës për një jetë,
Ska mendue nëna e shkretë
Bija e saj këtu me i vdekë.

Në janar ka lindur Lejla
Muaj i ftoftë me zemër flak´,
Në korrik pas 17 vjetëve
Trupi i saj lahet me gjak.

Rritej vasha e shqiptarit
Bukuroshe e trime e dheut,
Për kësi vasha si sorkalle
Ka nevojë toka e Skënderbeut.

Por një ditë të nxehtë korriku
Të vititdymijëenjimbdhjetë,
Ishulli i Vdekjes në Norvegji
Nga kjo botë mori shumë jetë.

Një kriminel pa nder pa fis
Në Utoja lart në veri,
Villte zjarr e shkrepte plumba
Tue vra vasha e djemtë ri.

Vrau e vrau sa u lodh
Askush para nuk i dilte,
As Lejla me gjak shqiptari
Një moment të tillë se priste.

I doli para si luaneshë
Ndale zjarrin kriminel,
Po si vritet kjo rini
Ooooo i poshter e i pa nder.

Ju versul drejt kriminelit
Flak i ndrisnin ata sy,
Porse plumbat ia ndalen turrin
Me duer të buta smundi me mbërri.

I zbrazi plumbat krimineli
Se Lejla kohen ja ndaloj,
Tuj shpëtue shumë shokë e shoqe
Në amshim po Lejla shkoj.

Njëqind vasha e djelmosha
Një kriminel sot i ka vra,
Sa shumë nana me duer në gji
E tanë jeten me lot tuj qa.

IV
Lindi vasha jashtë atdheut,
Për me vdekë trimreshë beqare,
O moj Lejla e Arbrisë
O moj Lejla bijë shqiptare.

E ëndërrove nji djalëtë ri,
Ta bësh dasmën në atdhe,
Në vend të dasmës funerali
Beqareshë me të lshue në dhe.

Në vend t´fustanit të nusnisë,
Të veshen n´flamuj të miqësisë,
Fli e qetë egjull rinor
O moj engjull i bukurisë.

Vinë korriket e ndrrohen motet
Qelin lulet nji nga nji,
Ashtë një nanë diku n´mërgim
I mbledh të freskëta vetëm për Ty.

Ah për fatin po të shqiptarit,
Di të flas e lumja botë,
Sa shumë eshna e gjak të njomë
I mban në zemër e lumja tokë.

25.06.13
Düren
LEJLA SELACI-TRIMRESHA MËRGIMTARE - Nga AGIM GASHI 4098924141