AGIM GASHI AH DASHURI E VJETRA DASHURI

nga **Agim Gashi** Thu Aug 20, 2015 3:10 pm

AGIM GASHI

AH DASHURI E VJETRA DASHURI
AGIM GASHI AH DASHURI E VJETRA DASHURI 11903830_10153118308199077_513814945700639900_n

Më ftove ti mikja e vjeter
Të takohemi atje n´Gërmi,
Pas dyzet vitesh të na përtrihet,
Ajo e madhja dashuri.

Mora rrugen me krroqen time,
Nuk ishte ma ajo Tauk Bahqe,
Por më dolen para syve
T´kuqe, tuat, ato faqe.

E kalova edhe liqenin
Jam ulë te lisi i Dshurisë,
Ku kalonim ditë e netë,
N´kohë t`bekueme të rinisë.

Ti më erdhe e lehtë si pupla,
Mi mbylle mbrapa sytë e mi,
Dhe fillove të më puthësh
Plot me afshë e dashuri.

Sa më lute, “pashë rininë tonë”,
Mos i hap ata dy sy,
Lejo të lutem, ta shijoj ëndrren,
Që e kishim në rini.

Me sy mbyllur unë fillova
Ta ledhatoj në duart e saj,
Putha buzët, putha sytë
Me lotë faqet po i laj.

Dashta me ja prek unë flokun
Kësaj arushe, krejt dredha, dredha,
Ata flokë si krah shqiponje
Kur ja merrte e Arbërit era.

I kerkova e smund i gjeta
Kaçurrelat që i kishte n´ball,
Kur ja pash shaminë arabe
Zemër e shpirt flak më jan kallë.

Hiqe moj atë shami
Se nuk është tradita e jote,
Flokët tua si purpuri,
N´qiell flutronin n´vite e mote.

Ahhh, fshani thellë, si me u mbytë qielli
-Nuk është traditë, këtë e di,
Na vrau t´gjallë, e po vret t´vdekur,
Ky atdhe me plot varfëri.

Vjen armiku shekullor
Na dhuro bukë, me mabjtë fëminë,
Të dyshimta libra fetare,
Thotë mbulohuni, në ball shaminë.

Hapen qindra t´mjera shoqata
Thonin janë humanitare,
Aty punojnë për përfitime
Politikanë e bashkësi fetare.

Shqiptarë t´mjerë e me damkë
Vetë bandita, ndihmojnë mafinë,
Për përfitime personale
Tradhtuen varret e Dardaninë.

II
Mos më fol moj e dashura ime
Këto gjana mirë i di,
Më mirë e vdekur, se sa je gjallë,
Kur u mbulove me shami.

Ke tradhtue nënën tënde
Ke tradhëtu t´madhen dashuri,
Ku të mbeti e ku e humbe,
Që e kishe për Nënë Arbëri?

Hiqe moj e mira ime
Hiqe t´huajen, atë shami,
Veje një shami shqiptre
Si shqiponjë me flokë mbi sy.

Hiqe moj pash kaqurrelat
Ta shof flokun, ta shof ballin,
Edhe eja n´prehrin tim
Rinisë së shkuar t´ja heqim mallin.

III
Engjëllusha plot kaçurrela
Hoqi, shporri atë shami,
Rreze drite i ranë atdheut
Kaploi hijeshia atë Gërmi.

N´varr buzqeshi Skënderbeu
N´varrë u ngjall Ibrahim Rugova,
Filloi këngën Adem Jashari
Edhe dëshmoret, mbarë Kosova.

Vjen nga unë ajo freskore
Me ledhatoj, më mori n´gji
I lumi ai që nuk tradhëton
Atdheun tonë dhe këtë shqiptari.

Ska ma mirë se shqip me folë,
Edhe shqip gjithkund me këndue,
Shqip me u puth e shqip përqafje
Shqip në jetë me u dashurue.

O ndëgjoni djem e vasha,
Me dashuru shqip, flurton mbi re,
Se këtë gjuhë e këto tradita
Vetë Zoti i lshoi mbi dhe.

Tjerat gjuhë janë dytsore
Shqipja është n´toka arbnore,
Kush tradhton e kush se flet
E mallkon Zoti për mot e jetë.

Dashurohuni shqip, arbnorqe,
Duajeni popullin dhe atdheun,
Hiqjani vashava ato „ferexhe“,
T´zbukurohet përsi mëmëdheu.

III
Më doli gjumi, unë nënë shtrat,
Pluhur goja më ishte mbushë,
Mallkova jetën dhe politiken
Kaploi tradhëtia male e fushë.

Qaj e qaj për fatin tim
I njejt´ si fati i Arbnisë,
Na tradhtuen e na poshtruen,
Fara e keqe e tradhëtisë!

20.08.15
Düren
AGIM GASHI AH DASHURI E VJETRA DASHURI Femrat1

AGIM GASHI AH DASHURI E VJETRA DASHURI Femrat1

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30