Merkel: Do të luftojmë kundër urrejtjes dhe ideologjive të terrorizmit

nga **Agim Gashi** Wed Aug 26, 2015 8:58 pm

Merkel: Do të luftojmë kundër urrejtjes dhe ideologjive të terrorizmit

Kancelarja gjermane, Angela Merkel ka premtuar të enjten se Gjermania do të luftoj kundër ideologjive të terrorizmit me të gjitha mjetet e shtetit të së drejtës.
Pas një minutë heshtjeje në kujtim të viktimave të rëna në sulmin që ndodhi javen e kaluar në Paris në zyrat e revistet saterike “Charlie Hedbo”, ajo tha para deputetëve të Bunderstagut se asgjë nuk mund ta justifikojë terrorizmin, çoftë edhe fëmijëria e vështirë.

“Ata që shprehin urrejtje, që kryejnë akte të dhunshme në emër të islamit, bashkëpunëtorët dhe ideologët e terrorizmit ndërkombëtar, do të luftohen ashpër duke përdorur të gjitha mjetet në dispozicion për një shtet të së drejtës”, ka thënë ajo gjatë një fjalimi para Dhomës së ulët të parlamentit gjerman.

Merkeli po ashtu i siguroi hebrenjtë dhe myslimanët se do të jenë të mbrojtur nga autoritetet gjermane në çfarëdo situate, raporton Balkanweb.

“Ne në Gjermani, nuk do t’iu lejojmë të ndaheni”, ka thënë tutje kancelarja gjermane.

Të mërkurën qeveria gjermane njoftoi për riforcimin e kufizimeve të udhëtimit për të penguar xhihadistët potencial të shkojnë në zonat luftarake në Siri dhe Irak.
Persona të armatosur me 7 janar kanë vrarë anëtarë të personelit të redaksisë së të përjavshmës Charlie Hebdo, sulm ky që ka zgjatur tri ditë dhe kanë mbetur të vrarë gjithsej 17 persona, përfshirë këtu gazetarë, policë e qytetarë të tjerë.
Revista e sulmuar në vazhdimësi kishte pranuar kërcënime pas publikimit të karikaturave të Profetit. Revista Charle Hebdo është publikuar sërish dje në rreth 3 milionë kopje, në gjashtë gjuhë, përfshirë edhe atë arabe dhe është shitur në 25 shtete.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30