Vullnet Mato - DRAKULA, TIRANI I VLLAHISË

nga **Agim Gashi** Wed Sep 02, 2015 8:10 pm

Vullnet Mato

DRAKULA, TIRANI I VLLAHISË

Vlad Drakula, në Vllahi të Evropës,
tirani më i llahtarshëm në lashtësi,
kishte zemër, zhabën e thithëlopës,
që pluskonte përbrenda gjoksit të tij.

Kish në ballë, dy sy të verdhë krokodili,
në gojë, një gjuhë kobre me helm të zi,
kish dhëmbët e një derri të egër pylli,
krijesë e përçudnuar, ngjizur me kafshëri.

Atë e ngjitën lart, në fronin e mbretërve,
dy bashkëshortët djaj, dy prindërit e tij,
me shtatë taborë mercenarë të lugetërve,
të bëhej satanai më monstruoz në histori.

Në fillim, ai e rropi popullin deri në eshtra,
duke u rrëmbyer varfanjakëve edhe thërrimet,
që tepronin nga shumë taksa, xhelepe të vjetra,
për të mbushur me flori qypat e vendstrehimet.

Nami i tij çuditi gjithë perandorinë osmane
dhe u gatit ushtria e sulltanit për ta kositur,
këtë lubi të fryrë me gjakun e djersën mjerane,
për ta shtypur si vasalët e tjerë e për ta grabitur...

Drakula kishte asqerë të fortë në ushtrinë e vet,
por s’qe e mundur të përballohej mizëria turke.
Ndaj, mendja e satanait u gatit, si djall i vërtetë,
të bënte një mbrojtje më të sigurt, me truke...

Ai nguli mijëra hunj, rrugëve, shtigjeve, nëpër ara,
ku kishte ngulur në ta, mijëra burra, gra, pleq e fëmi...
duke shkretuar familje e fshatra, si askush më përpara.
Kur ushtarët turq panë atë tmerr, thanë me llahtari:

Përderisa ky kriminel, bën me popullin e tij këtë batërdi,
ne na i ngul hunjtë më thellë, nga prapanica në gojë!...
Dhe të tmerruar, andej nga erdhën, u kthyen përsëri.
E lanë Drakulën, derisa te vendi i vet, mjerimin të fitojë...

Më pas kokën e prerë ia shpunë në Kostandinopojë...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30