Dodë Gjergji: Kosovën e ka bekuar Zoti (Foto)

nga **Agim Gashi** Sat Sep 05, 2015 4:28 pm

Dodë Gjergji: Kosovën e ka bekuar Zoti (Foto)

Foto Bota sot

Në Katedralen e Prishtinës u kremtua sot me një mesh solemne e quajtur “Festa e Nënës Terezë”, datë kjo e cila përkon me ditën kur ajo ndërroi jetë.

Kjo festë në të cilën kishte shumë të pranishëm, duke përfshirë këtu edhe pjesëtarë të KFOR-it dhe të misioneve tjera diplomatike, u shënua me shumë lutje dhe këngë, me anë të së cilave u bë thirrje që të ketë sa më shumë paqe dhe bamirësi.
Kësaj meshe i priu, kryeipeshkvi i Kosovës, Imzot Dodë Gjergji, i cili foli për veprën dhe përkushtimin e Nënës Terezë për t’i shërbyer atyre që kanë nevojë për ndihmë.
Sipas tij, po të dëgjonte bota zërin e saj, tani nuk do të kishte kaq shumë luftë dhe urrejtje, madje as kaq shumë emigrantë.

Gjergji: Bota nuk do të kishte kaq urrejtje po ta dëgjonte Nënën Terezë

“Ishte përkushtuar që me të njëjtin zell shpirtërorë tu shërbente, hindusëve, myslimanëve dhe të krishterëve, sepse ishte e bindur se varfëria, vuajtja, padrejtësia, urrejtja, lufta, brakt isja, aborti, institucioni nuk janë të hindusëve, as të myslimanëve dhe as të krishterëve, ato janë mizori njerëzore dhe padrejtësi shoqërore si burim i egoizmit dhe mungesës së dashurisë. .. Po të dëgjonte bota këtë zë dashurie dhe këtë vërejtje ndërgjegjeje në mesin tonë, nuk do të kishte më të varfër, në botë nuk do të kishte kaq shumë luftëra dhe në Evropë nuk do të kishte kaq shumë emigrantë”, tha Gjergji.

Ai shtoi se Zoti ka dëshmuar që e donë popullin tonë, duke derdhur gjithë dashurinë që e ka për njerëzimin në zemrën e një vajze shqiptare, e cila e ka mahnitur gjithë botën.

Gjergji: Zoti e donte popullin tonë, këtë e dëshmoi me Gonxhen

“Ka edhe shumë gjëra tjera të cilat na pengojnë që të këndojmë me jetën tonë himnin e dashurisë dhe të gjejmë lumturinë e vërtet të jetÃ «s, por një gjë është e sigurt se Zoti na do. Ai e ka dashur këtë kishë, ai e donë këtë popull, ai e donë këtë vend dhe njeriun. Dhe çka bëri zoti për ne? Cila është mrekullia më e madhe që Zoti e ka bërë për popullin tonë? Është se gjithë dashurinë të cilën e kemi refuzuar në të kaluarën tonë dhe në histori e ka vu në zemrën e Gonxhes, dhe kjo është dashuri e derdhur në një zemër bujare të një vajze shqiptare, e ka mahnitur gjithë njerëzimin. Fryti i kësaj dashuri i ka shëruar plagët e trupit dhe të shpirtit të shumë njerëzve në botë”, shtoi ai.

Për nderë të kësaj feste, sot në orën 20 e 30 në këtë katedrale do të mbahet edhe koncerti i Himnit të Nënës Terezë.
Angje Gonxhe Bojaxhiu, që më vonë e ndryshoi emrin në Nënë Tereza, lindi me 1910 nga prindër shqiptarë.Mësimet e para ajo i mori në një shkollë në qytetin e Shkupit dhe në moshën 18 vjeçare u dorëzua murgeshë. Pasi u specializua në Irlandë u vendos në Indi, ku në vitin 1950 themeloi urdhrin e saj të murgeshave të quajtur Misionarët e Bamirësisë.
Ajo ndërroi jetë në vitin 1997, dhe tani në çdo përvjetor të lindjes apo të ikjes së saj, qindra vetë grumbullohen në varrin e saj, duke u lutur dhe duke kënduar. Murgeshat e urdhrit “Misionaret e Bamirësisë”, që ajo themeloi 55 vjet më parë në Kalkuta, çdo vit vendosin lule para memorialit prej çimentoje të bardhë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30