Dritan Demiraj: Kjo nuk është demokraci, por diktaturë. Do ta shporrim siç bëmë në 1991

nga **Agim Gashi** Sun Sep 06, 2015 7:45 pm

Dritan Demiraj: Kjo nuk është demokraci, por diktaturë. Do ta shporrim siç bëmë në 1991

Dritan Demiraj, një prej ushtarakëve më të shquar të Forcave të Armatosura, pjesëmarrës në misionet në Irak apo Afganistan, përmes një statusi në rrjetin social Facebook, shpreh keqardhjen, por edhe revoltën e tij që Komisioni Parlamentar i Sigurisë Kombëtarë përbëhet nga deputetë injorantë, por edhe me të shkuar kriminale. “Duket se në këtë legjislacion s’kanë të mbaruar provat dhe shfaqjet e "kriminelëve" "të forte" me pushtet, që përfaqësojne popullin tim në Parlament. Fatkeqësisht këta individë kriminalë bëjnë ligjet dhe i bashkohen vendimeve "bolshevike", që ka ndërmarrë apo ndërmerr lidershipi sojsez i MM”, shkruan Demiraj.

Komenti i plotë i ushtarakut Dritan Demiraj

Sic e keni marrë vesh që prej dy ditësh në ngjarjen e Lacit, ka qenë i përfshirë një deputet i Komisionit të Sigurisë Kombëtare dhe jo vetëm.... ka dhe të tjerë në komisionin e sigurisë...
Unë si ushtarak që kam dhënë kontribute gjatë gjithë jetës time në ushtri, refuzoj me përbuzje dhe në mënyrën më të prerë, që Siguria Kombëtare, ligjet dhe vendimet e ushtrisë së vendit tim, të merren nga individë injorante, pa asnjë klasë shkollë, aq më keq me një të kaluar kriminale, tashmë e vertetuar për më shumë se tetë deputetë (nga mediat, gazetat, televizionet, deklaratat e të huajve, konferencat për shtyp të opozites, etj) që kane vjedhur, vrarë, kontrabanduar ose trafikuar njerëz. Duket se në këtë legjislacion s’kanë të mbaruar provat dhe shfaqjet e "kriminelëve" "të forte" me pushtet, që përfaqësojne popullin tim në Parlament.
Fatkeqësisht këta individë kriminalë bëjnë ligjet dhe i bashkohen vendimeve "bolshevike", që ka ndërmarrë apo ndërmerr lidershipi sojsez i MM.
Turp dhe marrë që këta njerëz, kanë në dorë fatet e ushtrisë dhe të ushtarakëve, të cilët as për të drejten më minimale nuk guxojne të hapin gojën se ikin nga puna.
Kjo nuk është demokraci , kjo quhet diktaturë dhe ne diktaturën do ta shporrim ashtu sic bëmë në vitin 1991. Bashke me të edhe ata që u bënë pjesë e makinës së propagandës dhe zbatimit të saj në ushtri, qofshin këta civile apo me uniformë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30