ADELINA GINA: UNE AKUZOJ

nga **Agim Gashi** Wed Jun 24, 2009 2:40 pm

Te flasësh për familjen e nderuar GINA, Mehmet Gina, babai i Adelinës dhe Shpëtimit, duhet një kapitull më vete të shkruhet... Është nderi dhe kënaqësia ime të kem miq të mirë, intelektualë, shkrimtarë, siç është Adelina Gina (Kurti) personifikim i gruas shqiptare; e urtë,fjalëpakët, inteligjente...
Është në nderin dhe krenarinë time, që i pavdekshmi, inteligjenti Shpëtim Gina, i cili në moshën e tij 21 vjeçare, doli hapur kundër diktaturës komuniste shqiptare,të ketë si vendlindje, qytetin ku kanë lindur të parët e mi dhe unë, Beratin e ndritur...
Që në pamjen e parë, që në bisedën e parë, që mund të bësh me Adelinën, e kupton se ç'farë grua është...
Më shumë se të flasë ajo për veten e saj, flet kultura që ajo e ka të trashëguar në familjen e saj ku u lind dhe u rrit, flet kultura në familjen e bashkëshortit të saj, ku ajo shkoi për të ndërtuar jetën e saj të re familjare, flet krijimtaria e saj letrare, flasin vuajtjet që ajo ka kaluar në jetë, flet dhimbja e motrës për vëllanë...
"Ku e çuat Shpëtimin?!" është thirrja e motrës për vëllanë, pyetja therrëse e motrës, akuza, që do të vazhdojë ta kërkojë enigmën e saj, deri në gramat e fundit të jetës, për vëllanë, që ia mbyllën jetën në moshën e tij më të bukur 23 vjeçare, në moshën më të bukur të rinisë, në kulmin e krijimtarisë së tij letrare.
Shpëtim Gina, djaloshi i atëhershëm në moshën e tij 21 vjeçare, 1972, i doli ballë për ballë diktaturës famëkeqe shqiptare, duke shkruar dramën "Armiqtë" për t'u vënë në skenë nga aktorët e Teatrit Kombëtar.
Shpëtim Gina i atëhershëm 21 vjeçar u bë "baba" para kohe në krijimtarinë e tij letrare.
Edhe sot e kujton motra fatkeqe, Adelina, atë, ç'farë aktorët e mëdhenj të Teatrit Kombëtar në Tiranë, i thanë babait të tyre, Mehmet Gina: "Shpëtimi është Babai i Teatrit..."
Dhe hakmarrja komuniste do të binte e menjëhershme, jo vetëm për Shpëtimin që e zhdukën nga kjo jetë, por për të gjithë familjen e tij.
"Armiqtë" e Shpëtim Ginës, ia morrën jetën padrejtësisht dhe tragjikisht...
Viti 1974 ishte edhe viti i fundit i jetës së tij, i krijimtarisë së tij letrare; ishte turpi i radhës, që monstra komuniste shqiptare të vriste pa mëshirë Shpëtim Ginën, siç vrau dhe zhduku shumë artistë të tjerë shqiptarë...
Respekte Adelina, motër, bashkatdhetarja jonë e nderuar.
Lavdi emrit të pavdekshëm, Shpëtim Gina.

Miku juaj
Pierre-Pandeli Simsia

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30