Të enjten bëhet çelja e trafikut në rrugën, Durrës-Kukës

Të enjten bëhet çelja e trafikut në rrugën, Durrës-Kukës

Kryeministri i Shqipërisë Sali Berisha, i Kosovës Hashim Thaçi dhe i Turqisë Rexhep Taip Erdogan, do të presin shiritin e inaugurimit të rrugës.


Autoritetet shqiptare kanë vendosur që të përurojnë më 25 qershor, hapjen e trafikut të rrugës Durrës-Kukës-Morinë.

Tiranë– Autoritetet shqiptare kanë vendosur që të përurojnë më 25 qershor, hapjen e trafikut të rrugës Durrës-Kukës-Morinë, kur sipas kompanisë Bechtel-Enka, përfundimi i rrugës daton jo më parë se viti 2010. Burime zyrtare nga Këshilli i Ministrave, thanë se është parashikuar që festimet të nisin në orën 11.00 me koncertin festiv në fillim të rrugës në Rrëshen, pranë mbikalimit të parë të rrugës. Kryeministri i Shqipërisë Sali Berisha, i Kosovës Hashim Thaçi dhe i Turqisë Rexhep Taip Erdogan do të përshkojnë së bashku një pjesë të rrugës në këmbë. Më tej, Kryeministrat Berisha, Thaçi dhe Erdogan, do të presin që të tre, shiritin e inaugurimit të rrugës. Zyrtarisht, qeveria thotë se ceremonia, për efekt performance dhe sigurie teknike do të transmetohet Live nga televizioni Klan, duke ftuar mediat e tjera të kontaktojnë për marrjen e sinjalit.