Mustafa edhe zyrtarisht ftesë opozitës për takim më 7 dhjetor (Foto / Video)-pregaditur nga Arben Sylejmani

nga **Agim Gashi** Fri Dec 04, 2015 7:16 pm

Mustafa edhe zyrtarisht ftesë opozitës për takim më 7 dhjetor (Foto / Video)-pregaditur nga Arben Sylejmani

Foto Bota sot

(E plotësuar)- Kryeministri Mustafa i ka dërguar ftesë zyrtarë liderëve të partive politike për të biseduar në mënyrë që vendi të tejkaloj krizën politike në vend.
Këtë e ka bërë të ditur kryeministri Mustafa, në një konferencë për media.
Ai tha se vendimin e tij për t’i ftuar liderët politik ka njoftuar presidenten dhe ndërkombëtaret.
Kurse, sa i përket marrëveshjeve, Mustafa tha se për demarkacionin do të ftoj ekspert ndërkombëtar për të vlerësuar nëse Kosova ka humbur territor, kurse sa i përket marrëveshjes për Asociacionin, ai tha se do të presin vendimin e Gjykatës Kushtetuese.
Kurse, takimi sipas tij do të mbahet me 7 dhjetor.

Mustafa: Edhe zyrtarisht kam ftuar liderët opozitarë për takim

“Në vazhdën e ftesave dhe gatishmërisë së vazhdueshme për dialog me gjithë faktorët në kuadër të institucioneve të Kosovës, jam sot para jush që t’iu njoftoj lidhur me një ftesë zyrtare që sot e kam dërguar për drejtuesit e partive opozitare në Kuvendin e Kosovës. Visar Ymerit nga Lëvizja Vetëvendosje, Ramush Haradinaj nga AAK-ja dhe Fatmir Limaj nga Nisma për Kosovën si dhe zëvendëskryeministrit dhe kryetarit të PDK-së, Hashi m Thaçi. I shqetësuar me situatën aktuale dhe i përkushtuar për gjetjen e një zgjidhje sa me të shpejt në interes të qytetarëve dhe mbarëvajtjes së institucioneve i kam ftuar zyrtarisht që së bashku të ulemi dhe t’i trajtojmë të gjitha çështjet e ngritura nga spektri opozitar lidhur me parimet themelore për themelimin e Asociacionit dhe marrëveshjen për shënimit të kufirit mes Kosovës dhe Malit të Zi”, tha Mustafa.

Mustafa: Qytetarët e Kosovës presin t’i lëmë dallimet partiake

“Për realizimin e këtyre sfidave, ndërtimin e shtetit tonë nga gjithë përfaqësuesit në pozitë dhe opozitë, gjithë qytetarët e Kosovës presin t’i lëmë anash dallimet tona dhe të punojmë gjithë bashkërisht. Qeveria ka mirëpritur vendimin e presidentes së Kosovës, Atifete Jahjaga për të proceduar marrëveshjen për bazat themelore për themelimin e Asociacionit në Gjykatën Kushtetuese në mënyrë që kjo Gjykatë të vlerësoj nëse kjo marrëveshje është në harmoni me Kushtetutën e Kosovës. Si kryeministër i vendit jam zotuar se do të respektojmë vendimin e GJK-së, si arbitër përfundimtar të vlerësimit kushtetues të gjitha akteve juridike dhe i kam siguruar dhe i siguroj se ky asociacion mund të bëhet vetëm në përputhshmëri me Kushtetutën e Kosovës, me ligjet e Kosovës ashtu siç është e paraparë me marrëveshje”, theksoi ai.

Mustafa: Për demarkacionin, Qeveria është e gatshme të angazhojë ekspertë ndërkombëtarë

“Sa i përket shënjimit të vijës kufitare ndërmjet Republikës së Kosovës dhe Republikës së Malit të Zi, Qeveria e Kosovës, është e gatshme që të angazhojë një grup ekspertësh ndërkombëtarë, të cilët, së bashku m e përfaqësuesit e Komisionit Shtetëror dhe përfaqësuesit e spektrit opozitar, do të kenë qasje të plotë në procedurën dhe tërë dokumentacionin e shfrytëzuar, lidhur me shënimin e kësaj vije kufitare, për t’u siguruar lidhur me mbarëvajtjen e këtij procesi”, shpreh ai.
***
Kryeministri i Kosovës, Isa Mustafa në një konferencë për media ka njoftuar se në vazhdën e ftesave dhe gatishmërisë për dialog ka dërguar një ftesë zyrtare të tre liderëve të opozitës që të takohen më 7 dhjetor në ambientet e Kuvendit të Kosovës në ora 14:00, për të diskutuar për dy marrëveshjet e kontestuara nga opozita.
Ftesën ia ka dërguar edhe zëvendësministrit Hashim Thaçi
“I shqetësuar me situatën i kam ftuar zyrtarisht që të ulemi dhe t’i trajtojmë të gjitha çështjet me opozitën për dy marrëveshjet”, ka thënë ai.

Mustafa edhe zyrtarisht ftesë opozitës për takim më 7 dhjetor (Foto / Video)-pregaditur nga Arben Sylejmani 0fd37a43b4c

Mustafa edhe zyrtarisht ftesë opozitës për takim më 7 dhjetor (Foto / Video)-pregaditur nga Arben Sylejmani 47dd0dc6

Mustafa edhe zyrtarisht ftesë opozitës për takim më 7 dhjetor (Foto / Video)-pregaditur nga Arben Sylejmani 45sd79f

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31