Arrestohet Albulena Haxhiu

nga **Agim Gashi** Tue Dec 08, 2015 2:47 pm

Arrestohet Albulena Haxhiu

Policia konfirmon arrestimin e deputetes Haxhiu

(E plotësuar) - Policia e Kosovës konfirmoi se ka arrestuar deputeten e Vetëvendosjes, Albulena Haxhiu.
Baki Kelani, zëdhënës i Policisë së Kosovës konfirmoi për mediat vendore se arrestimi i deputetes Haxhiu është bërë bazuar në urdhërarrestin që është lëshuar javë më parë.
***
Lëvizja Vetëvendosje ka reaguar pas arrestimit të Deputetes, Albulena Haxhiu nga Policia e Kosovës.
"Sot u arrestua deputetja e Kuvendit të Republikës së Kosovës, Albulena Haxhiu, teksa po shkonte në një tubim në Gjilan. Kjo qeveria kriminale, PDK-LDK-Srpska, po e përdor secilin mjet për ta shtypur opozitën ashtu që t’i realizojë projektet e Serbisë në Kosovë.
Veprimet e deputetëve të opozitës brenda Kuvendit të Republikës së Kosovës janë në funksion të mbrojtjes së sovranitetit të shtetit. Opozita e bashkuar nuk do të ndalet deri në tërheqjen e marrëveshjeve të 25 dhe 26 gushtit.
Nëse Qeveria e Kosovës nuk guxon t’i tërheqë marrëveshjet, atëherë lë t’i hedhë në referendum, dhe le të vendos populli i Kosovës për to. Nëse as referendumin nuk guxon ta organizojë, atëherë duhet që sa më parë vendi të shkojë në zgjedhje", thuhet ne komunikatën e Vetvendosjës.

Deputetja e VV-së, Albulena Haxhiu sapo është arrestuar nga Policia e Kosovës te rrethi kryesor në Prishtinë.
Mediet mësojnë se arrestimin e Haxhiut e ka bërë Njësia Speciale e Policisë së Kosovës.
Ndaj Deputetes Haxhiu ishte lëshuar fletarrest nga Gjykata për shkak të hedhjes së gazit lotsjellës në Seancën e Kuvendit të Kosovës.
Deputetja Albulena Haxhiu është arrestuar para pak minutash në Prishtinë dhe po dërgohet në Prokurori.
Lajmin e ka konfirmuar Frasher Krasniqi, i cili i tha se Haxhiu ishte duke shkuar në një tubim në Gjilan.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31