Arrestimi i Çekut, fyerje për shtetin e Kosovës

Arrestimi i Çekut, fyerje për shtetin e Kosovës

Shqipe Osmani, Bota Sot
Kuvendarët kundër arrestimeve me akuza serbe




Deputetët e Kuvendit të Kosovës shprehën shqetësimet për arrestimin e pa bazë të ish kryeministrit Çeku, ndërkohë kërkuan nga institucionet vendore dhe ndërkombëtare që të ndërpriten praktikat e tilla të arrestimeve të shqiptarëve mbi akuzat e pabaza të ngritura nga Serbia me motive politike. Ligjvënësit kërkojnë nga Interpoli ndalimin e arrestimeve me motive politike, duke e vlerësuar të tillë edhe arrestimin e ish- kryeministrit të Kosovës dhe liderit të PSD-së Agim Çeku në Bullgari. Arrestimi i z. Çeku të martën që shkoi, është vlerësuar nga ligjvënësit, fyerje e rëndë për shtetin e Kosovës duke theksuar se akuzat e Serbisë, ndaj tij janë me motive politike. Shqetësimet e deputetëve për arrestimin e z.Çeku i ngriti në fillim të seancës së Kuvendit të enjten nga deputetja e PSD-së Kaçusha Jashari, e cila u pasua nga deputeti Ibrahim Makolli. Deputetët në fjalë, shprehën shqetësimet për arrestimin e pa bazë të ish kryeministrit Çeku, ndërkohë kërkuan nga institucionet vendore dhe ndërkombëtare që të ndërpriten praktikat e tilla të arrestimeve të shqiptarëve mbi akuzat e pabaza të ngritura nga Serbia me motive politike.
Arrestimet e shqiptarëve në bazë të akuzave të Serbisë nuk kanë të ndalur
Kaçusha Jashari, tha se arrestimi i kryetarit të Partisë Social Demokratike është fyerje e rëndë për shtetin e Kosovës, ndërkaq ka theksuar se është një akuzë e pabazë dhe e motivuar politikisht. “Kjo është një fyerje e rëndë për shtetin e Kosovës”, është shprehur Jashari. Ajo tha se zëri i Kuvendit dhe i institucioneve të tjera vendore dhe ndërkombëtare duhet të jetë më i fuqishëm në ndalimin e ndikimit të politikës serbe në të ardhmen. (Tesktin e plotë mund ta lexoni në numrin e ditës së premte të gazetës "Bota Sot")