Përplasen dy trenë pasagjerësh në Gjermani, 8 të vdekur e 100 të plagosur (Foto/Video)

nga **Agim Gashi** Tue Feb 09, 2016 1:14 pm

Përplasen dy trenë pasagjerësh në Gjermani, 8 të vdekur e 100 të plagosur (Foto/Video)

(E plotësuar) - Sipas policisë, dy trena janë aksidentuar në mënyrë frontale, njofton Der Spiegel. Ngjarja e rëndë ka ndodhur rreth orës 6.50 të ditës së sotme, ndërsa përveç viktimave rrth 15 persona janë të lënduar rëndë, ndërsa 40 janë në gjendje të rëndë, përcjell Bota sot.
Momentalisht rruga mes Rosenhein dhe Holzkirchen është e bllokuar për udhëtarët, ndërsa qindra forca shpëtimi ndodhen në terren.
“Aksidenti na ka shokuar të gjithëve. Bëjmë çështë e mundur që të ndihmojmë pjesëmarrësit dhe punonjësit,” tha shefi i BOB, Bernd Rosenbusch./Bota sot
***
Dy trenë pasagjerësh janë përplasur në landin gjerman të Bavarisë, me policinë vendase që deklaron se persona të shumtë janë vrarë dhe të tjerë janë plagosur.
Përplasja ka ndodhur në Bad Aibling, një qytet rreth 60 kilometra në jug-lindje të Mynihut. Një nga trenët doli nga binarët për shkak të përplasjes dhe për pasojë shumë vagonë u kthyen përmbys.
Mediat gjermane raportojnë se përplasja mes dy trenëve ka qenë ballore. Në vendin e ngjarjes kanë mbërritur tashmë shërbimet e emergjencës dhe një grup helikopterësh.
Numri i saktë i viktimave nuk dihet, por për momentin flitet se të vdekurit janë 8 dhe të plagosurit rreth 100 vetë. Edhe shkaqet e përplasjes nuk dihen ende.
Rrugët përreth vendit të ngjarjes janë mbyllur dhe segmenti hekurudhor mes lokaliteteve Holckirhen dhe Rozenhajm është i bllokuar, raportojnë mediat.
Një zëdhënës i policisë federale u tha gazetarëve se përplasja ka ndodhur në një terren "të vështirë" dhe ekipet e shpëtimit ende janë në përpjekje për të nxjerrë udhëtarët nga trenat.
Raportohet se një nga trenat doli nga shinat dhe disa vagonë janë përmbysur, raportuan mediat gjermane.

Përplasen dy trenë pasagjerësh në Gjermani, 8 të vdekur e 100 të plagosur (Foto/Video) Gjetm4541

Përplasen dy trenë pasagjerësh në Gjermani, 8 të vdekur e 100 të plagosur (Foto/Video) Gjetm4542

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30