Blerja e votës – Hashim Thaçi me Enes Gogën në shtëpi të Gëzim Kelmendit

nga **Agim Gashi** Thu Mar 03, 2016 8:00 pm

Blerja e votës – Hashim Thaçi me Enes Gogën në shtëpi të Gëzim Kelmendit

Presidenti në ardhje, Hashim Thaçi, pak para se të zgjidhet president kishte mbledhur “mësit” (shkues) për të shkuar në shtëpinë e Gëzim Kelmendit për ta bindur që të votojë për atë.
Siç mëson gazeta “Zëri”, Thaçi kishte shkuar në shtëpinë e deputetin Gëzim Kelmendi së bashku me pronarin e “Elkosit”, Ramiz Kelmendi, si dhe kryeimamin e Pejës, Enes Goga.
Deputeti Gëzim Kelmendi ka pranuar se kishte pasur një takim me Thaçin, me ç’rast ky i fundit i kishte ofruar edhe një post në ministri vetëm që ta votojë.
Mirëpo, ai as nuk e ka mohuar që në shtëpinë e tij kanë qenë edhe Kelmendi me Gogën.
Edhe për intervistën dhënë për “Telegraf”, ka deklaruar se në shtëpinë e tij kanë qenë afaristë edhe imamë.
Kelmendi ka thënë se u ka qëndruar besnik fjalëve të cilat i ka thënë më herët, se nuk do të qëndrojë në sallë, gjatë ditës së votimit të presidentit, duke e pamundësuar, sipas tij, bërjen e kuorumit.
Kelmendi thotë se ka pasur takime me presidentin aktual pak para zgjedhjes së tij dhe i është ofruar një pozitë në institucione dhe në diplomaci nga partia e tij, por thotë se nuk ka asgjë konkrete pasi që ai nuk ka pranuar.
“Konkrete nuk ka pas asgjë por ajo që kemi folur në vija të trasha ka qenë që më është ofruar një pozitë ministrore në Qeveri dhe për diplomaci si dhe dërgimin e një personi nga partia ime për ambasador, por nuk ka asgjë konkrete sepse unë kam refuzuar”, ka thënë Kelmendi.
Ndërkaq, Enes Goga, i kontaktuar me telefon nga “Zëri”, e ka mohuar një gjë të tillë.
Madje, Goga ka thënë se nëse përfshihet emri i tij në këtë takim do të marrë hapa të tjerë.
“Ti fol për Gëzim Kelmendin çka të duash unë nuk kam qenë i pranishëm dhe unë po flas vetëm për veten dhe unë po të tregoj se në momentin kur përflitet emri jem në lidhje me këtë ngjarje që padia do ju pret dhe ti vepro si të duash, je e lirë”, ishin fjalët e Enes Gogës.
Po ashtu, edhe Ramiz Kelmendi nuk e ka pranuar se ishte i pranishëm duke thënë se gjatë kësaj periudhe ka qenë në Itali.
“Nuk është e vërtetë që unë kam qenë në shtëpinë e Gëzim Kelmendit pasi që në atë kohë kam qenë në Itali dhe nuk kam qenë në Kosovë”, ka thënë Kelmendi. /ZËRI/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30