Musa Jupolli Lumit Shkumbin

nga **Agim Gashi** Sat Mar 05, 2016 8:38 pm

Musa Jupolli

Lumit Shkumbin

Gegë dhe Toskë lahën në të njejtin lum ,
Aty në lumin Shkumbin, aty shkëmbejnë ,
Shkëmbi që mbanë fjalë e lidhë besë ,
Lum që rrjedhë nga zemër mali shqiptar .

Flet lumi, në çdo gur legjendë Ilire ,
Dy ngjura zëri, dy melodi me nota të njejta ,
N' ujë t ' bekuar ku lahen zanat e hyjnishme ,
Të ëmbla, të bukura, shtojzovalla dehje poetike ,
N' krah' të shqipës , për Mëmëdhe këndojnë ,

Lum lumi, për atë gjuhë që më flet n'orën
E himnit t' etnisë sime, në mëngjeset e hershme ,
Sintezë dritë-jetë mi bashko trojet arbërore ,
Arbninë e Gjergjit, timen Dardani e Çamëri .

Lum Shkumbini , gegë-toskë,
Fat dhe epokë në frymëzim të Biblës sonë .

Shpirtrat ekzistojnë, ai i shqiptarëve është lirik ,
Që nga antika e deri sot n'libra t' vjetra pena jonë ,
E dëshmon Drini ynë , e dëshmon Vjosa jonë !

Shkumbin-Shkëmbi, aty në Pogradec ,
Trofta e famshme, kuzhinë aromë shqiptare ,
Vargjet e Lasgush Poradecit mi recito .

Shkumbin !
N'amanet e për mall të Jeronim de Radës ,
Nuk po të kërkoj shumë :
Për mallin tim, e të gjithë mërgimtarëve
Me ujin tënd, e lotin tonë, ujitë trojet arbërore !

N'Elbasan pusho pak, është udhëtim i gjatë ,
Kur t'arrish n' Adraitik lësho zë me fuqinë që ke :
Mirë se erdhet mërgimtarë n' Atdhe !

musa.jupolli, paris,04/03/2016

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31