Me molotov janë sulmuar zyrat e Presidentes Jahjaga (Foto)

nga **Agim Gashi** Sat Mar 12, 2016 1:22 pm

Me molotov janë sulmuar zyrat e Presidentes Jahjaga (Foto)

Policia konfirmon sulmin në objektin e Kuvendit të Kosovës, nuk ka ende të arrestuar!

(E plotësuar ) - Rreth orës katër të mëngjesit të sotëm, persona ende të paidenfitikuar, kanë sulmuar me koktej molotovi objektin e Kuvendit të Kosovës në rrugën “Agim Ramadani” në Prishtinë.
Zëdhënësja e Policisë së Kosovës, për rajonin e Prishtinës, Flora Ahmeti ka konfirmuar këtë rast.
Sipas saj, Njësitet e PK-së pasi kanë marrë informacion për rastin, menjëher kanë dal në vendin e ngjajres. Deri më tani, sipas Ahmetit, nuk ka ndonjë person të indetifikuar që ka të bëjë me sulmin ndaj objektit të Kuvendit.
“Po, rreth orës 4 katër të mëngjesit kemi marrë informacionin për një rast të shkaktimit të rrezikut të përgjithshëm, asgjësimit apo dëmtim i pasurisë. Rasti ka ndodhur në rrugën “Agim Ramadani” në Prishtinë. Menjëherë pasi kemi marrë informacioni e kemi bërë ekzaminimin në vendin e ngjarjes dhe njësitet kanë dal aty. Poashtu për rastin në fjalë e kemi njoftuar prokrurorinë. Deri më tani nuk ka personat të identifikuar apo të arrestuar. Policia është duke punuar në këtë drejtim”, ka thënë zëdhënësja e Policisë.
Zyra e Shefit të Stafit të Presidentes Jahjaga, Arbër Vllahiu është sulmuar me molotov.
Lajmin e kanë konfirmuar zyrtarë të Presidencës së Kosovës.
Objekti i Presidencës së Kosovës ndodhet në objektin ku është edhe Kuvendi i Kosovës.
Edhe Sekretari i Kuvendit të Kosovës, Ismet Krasniqi, ka thënë se nje zyre është djegur ndërsa për detaje tjera ka thënë se deklarohet Policia.
Sipas Policisë, hedhja e molotovit ka ndodhur në orë 4 të mëngjesit të ditës së sotme.

Objekti i Kuvendit sulmohet me koktej molotovi

Objekti i Kuvendit të Kosovës, është sulmuar me koktej molotovi gjatë orëve të para të mëngjesit të sotëm.
Ende nuk dihet se kush e ka bërë këtë veprim si dhe në ku ndonjë informacion zyrtarë për këtë.
Media ka kontaktuar Policinë e Kosovës, por që nuk ka mundur të marr ndonjë deklaratë për rastin e sulmit të objektit të Kuvendit me koktej molotovi.
E përveç sulmit të objektit të Kuvendit cak i shulmëve me molotov ditëve të fundit kanë qenë edhe veturat e familjare të zyrtarëve qeveritarë.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31