Cikël poetik nga Engjëll Koliqi

nga **Agim Gashi** Fri Jun 26, 2009 10:55 am

KËNGË NË VERANDË

Në verandë shumë njerëz

Feston një grup i madh

Të gjithë të gëzuar

Shpërthen kënga festive

Shpërndahen larg jehonat

...

Oh sa mirë - thotë kënga

Koha punoi edhe për ne

Erdhi shekull’ i lirisë

E fillojmë bashkë epokën e dashurisë

...

Eni të gjithë në verandë

Na thërret kënga

Të këndojmë të gjithë

Për lirinë

Për dashurinë

-

Eni

Këndoni të gjithë

Fortë e më fortë

-

Le të jehojë mbarë universi!

Garlate (Lecco), 23 qershor 2009

LARG E MË LARG OKTAPODËVE

Ne

Nuk duam të zhytemi në qullin e së keqes

Prandaj

Lusim Zotin

Të na mbajë larg e më larg oktapodëve

-

Duam të jemi rehat

Të ecim përpara me këmbët tona

Aq sa mundemi

E sa më mirë që mundemi

Vazhdojmë përkrah njëri-tjetrit

Me plot dashuri

Gjithmonë besnikë

Traditat e shenjta arbërore i respektojmë

Sot

Nesër

E gjithmonë

Larg e më larg së keqes

Garlate (Lecco), 23 qershor 2009

KËNDOJ PËR MBRETËRESHËN TIME

Edhe kur jemi bashkë

Edhe kur jemi shumë larg

Unë këndoj dhe s’ndalem

-

Këndoj me tërë shpirtin

Dhe

Të gjitha këngët

Mbretëreshës sime ia kushtoj

Ju thërras të gjithëve

Eni e dëgjoni këngët e mia

-

Eni e na shihni

Kur jemi bashkë me mbretëreshën

Gjithëherë

Për kënaqësinë tonë

Dhe në shërbimin tuaj

Rrofsh mretëresha ime!

Unë sot e gjithmonë

Për Ty këndoj

E nuk ndalem kurrë

Garlate (LC), 23 qershor 2009

MBRETËRESHA E MREKULLIVE

Eni e shiheni Mbretëreshën time

Shiheni duke marshuar mbi ëndërrbardhat e mia

Sot

Për nesër

Për ardhmërinë tonë të dashurisë

Deri në amshim

Eni

Eni e shiheni mbretëreshën time të mrekullive

-

Sot

E gjithmonë

E gjeni krenare mbi ëndërrbardhat e mia

Plot me dashuri

Dhe me njëmijenjë mrekulli

Gjithëherë në shërbim të dashurisë

Garlate (LC), 23 qershor 2009

JE NË MUA

Në secilën nga ëndërrbardhat e mia

Të shoh

Të fortë e më të fortë

Mbretëresha ime

Edhe në mendimet e mia je

Në çdo çast – e paharrueshme

Bashkë marshojmë

Edhe në veprimet tona

Për njerëzinë e për dashurinë

O Mbretëresha ime

Je e fortë e më e fortë

Gjithnjë e pashme dhe e mrekullueshme

Në mua

Me të gjitha mrekullitë e dashurisë

Me tërë fuqinë e mrekullisë

Garlate (LC), 24 qershor 2009

NË VALLE SHPIRTËRASH

Kemi hyrë bashkë me mbretëreshën

Vallëzojmë

E gjithnjë e më të fortë qëndrojmë

Në vallen e shpirtërave

Me shumë nevoja

Me njëmijenjë dëshira

Për një pikë dritë

Për një mësim dashurie

Për nder e respekt

Për të mirëfilltën njerëzi

Përherë

Vallëzojmë

E përpara ecim

Me Mbretëreshën time

Në vallen e shpirtërave

Që shpërndahet valë-valë

Në botën mbarë

Garlate (LC), 24 qershor 2009

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30