Fetah Rudi:Urdhrin për vrasjen time e dha Fatmir Limaj

nga **Agim Gashi** Thu May 05, 2016 1:52 pm

Fetah Rudi:Urdhrin për vrasjen time e dha Fatmir Limaj

(E plotësuar) - Anëtari i kryesisë së LDK-së në Malishevë Fetah Rudi ka deklaruar për herë të parë emrin e personit i cili sipas tij ka dhënë urdhrin për vrasjen e tij.
Ai në emisionin “Republika” me Dardan Gashin, në Tribuna Channel, duke folur për tentim vrasjen që i është bërë, ka pohuar se Avni Zogaj, i njohur si dëshmitari X në rastin “Kleqka” i ka rrëfyer atij se kishte marrë urdhër direkt nga Fatmir Limaj për ta vrarë atë.
Anëtari i kryesisë së LDK-së, më tej ka deklaruar, se personat që e kanë përcjellur atë gjatë gjithë kohës në aktivitetet e tija politike si anëtar i LDK-së, para atentatit të tij, kanë qenë njerëz të SHIK-ut.

Fetah Rudi:Unë kam qenë i përndjekur nga SHIK-u

Anëtari i kryesisë së LDK-së në Malishevë Fetah Rudi ka deklaruar se personat që e kanë përcjellur atë gjatë gjithë kohës në aktivitetet e tija politike si anëtar i LDK-së, para atentatit të tij, kanë qenë njerëz të SHIK-ut.
Ai në emisionin “Republika” me Dardan Gashin duke folur për tentim vrasjen që i është bërë, deri më sot nga persona të panjohur, ka thënë se ai ka qenë gjithmonë i përcjellur nga njerëzit e SHIK-ut.
Ai ka pohuar se i din emrat e 3 personave që kanë tentuar ta vrasin atë, njëjtë sikurse që e dinë edhe Policia.
Rudi ka thënë se njëri prej personave ka qenë nga Petrova e Shtimes, njëri nga Vermica e Malishevës që jetojnë në Prizren dhe një nga komuna e Obiliqit.
Të tre ata në ditën e atentatin kanë pasur aksident me makinë dhe kanë vdekur.
Mirëpo ai ka theksuar se armën me të cilën është bërë atentati e ka Policia e Kosovës, dhe se është arma e njëjtë me të cilën është vrarë Xhemajl Mustafës.
Atentati ndaj Fetah Rudit ka ndodhur me 15 dhjetor 2000, në fshatin BYTYQ (ura e Bytyqëve) në orën 14:35.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30