Për 14 vjet „Bota sot“ e kultivoi dhe e ruajti fjalën shqipe

Për 14 vjet „Bota sot“ e kultivoi dhe e ruajti fjalën shqipe

Bahri Rashica
Fjala e bashkëpunëtorit




Më 26 qershor 1995, u lind kombëtarja "Bota sot".Gazeta "Bota sot" doli në botim si nevojë e informimit (më të plotë) për bashkëatdhetarët që, Kosova, vendlindja e tyre ishte nën okupimin serb. Atë kohë, kishte edhe gazeta të tjera që botoheshin në diasporë, por kombëtarja "Bota sot" dallonte krahas tyre. Për këtë shumë bashkatdhetarë sot e asaj dite mbetën lexues apo bashkëpunëtorë te rregullt të këtij mediumi të shkruar. Të gjithë numrat e kombëtares "Bota sot" (mbi 5000), kanë histori në vete, sikurse njeriun që e përcjellin ngjarjet e gëzimit dhe të pikëllimit poashtu edhe kombëtaren "Bota sot" e shoqëruan në këto vite drama të ndryshme. Unë do t'i veçoja në këtë shkrim tri nga to: Epokën e presidentit historik dr. Ibrahim Rugovës, betejat e lavdishme te UÇK-së, hyrjen e NATO-s në Kosovë. Menjëherë pas çlirimit të Kosovës, hyri në Kosovë edhe kombëtarja "Bota sot" që u pa se vërtet populli e pëlqeu këtë medium.
Për këto 14 vjet të gjithë i dimë sukseset e saj të kultivimit dhe ruajtjen e fjalës shqipe, po të mos ishte kështu sigurisht ky medium s'do të arrinte tek ditëlindja e 14-të. Që nga ky vit tashmë kombëtaren "Bota sot" të gjithë ata që s'mund të kenë pranë, atyre u është mundësuar të lexojnë atë edhe në internet. Për këto vite kombëtarja "Bota sot" nxori për botim edhe disa libra shumë të rëndësishëm. Ky shkrim lidhet me ditëlindjen e 10-të të bashkëpunimit tim me "Botën sot"që fillova nga 28 qershori i vitit 1999.
Krejt në fund: E gëzofsh ditëlindjen e 14-të kombëtarja "Bota sot"!