Ambasada iraniane kërkon lirimin e shtetasit të tyre arrestuar në Kosovë

nga **Agim Gashi** Fri Jul 29, 2016 5:14 pm

Ambasada iraniane kërkon lirimin e shtetasit të tyre arrestuar në Kosovë

Ambasada e Republikës Islamike të Iranit në Shqipëri ka lëshuar një deklaratë për shtypë ku kërkon lirimin e shtetasit iranian H.A.B., i arrestuar në Kosovë si i dyshuar për katër vepra penale për pastrimi të parave dhe financim të terrorizmit, njofton Klan Kosova.
Sipas Ambasadës iraniane në Tiranë shtetasi i tyre ka vepruar në Kosovë në pajtim të plotë me ligjet e vendit.
“Personi në fjalë ka drejtuar një organizatë jo fitimprurëse të themeluar më parë në bazë të ligjeve të Kosovës dhe thelbi i pranisë dhe veprimtarisë së saj ka qenë krejtësisht transparent dhe bazuar në rregullat e vendit”, thuhet në këtë deklaratë.
“Për këtë arsye, vitin e kaluar, gjykata pasi dëgjoi mbrojtjen e personit në fjalë i zgjati atij lejen e veprimtarisë dhe të qëndrimit”.
LEXO EDHE: Arrestimi i iranianit në Kosovë zbulon aktivitetet e Teheranit në Ballkan
Ambasada iraniane beson fuqishëm se pas shqyrtimit të mëtutjeshëm të rastit akuzat do të dalin të pambështetura.
“Shpresojmë që institucionet e nderuara të drejtësisë së Kosovës në vijim të procesit të gjykimit, pas një shqyrtimi më të saktë dhe më të plotë, të deklarojnë të pabaza akuzat e bëra, në mënyrë që të mos lejojnë krijimin e dyshimeve dhe zërave të pavërtetë nga ana e qarqeve dashakeqe”.
Republika e Iranit në deklaratë përmend se vet shteti i tyre ka qenë cak i terrorizmit dhe se “terrorizmi nuk njeh kufi, komb, fe dhe gjeografi” dhe për ta mposhtur këtë të keqe globale “duhet të thahen rrënjët e tij, thënë ndryshe mentaliteti ekstremist tekfirist i cili me padrejtë i serviret botës si islami i vërtetë”.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30