Ministri Yagcilar e lufton Gylenin, kryeministri Mustafa nuk i përzihet

nga **Agim Gashi** Wed Nov 02, 2016 6:23 pm

Ministri Yagcilar e lufton Gylenin, kryeministri Mustafa nuk i përzihet

Qeveria e Kosovës nuk komenton deklaratat e ministrit të saj, Mahir Yagcilar, që një ditë më parë deklaroi se kundërshtari i presidentit turk Erdogan, Fetullah Gulen është eksponent i rrezikshëm.

I kontaktuar nga Gazeta Express për të folur për qëndrimet e ministrit turk të Administratës Publike në Qeverinë e Isa Mustafës, zëdhënësi i këtij të fundit, Faton Abdullahu, më shumë ka folur për raportet e Kosovës me Turqinë.
“Qeveria e Kosovës vazhdon të ketë raporte shumë të mira, në sfera nga më të ndryshmet, me shtetin mik Turqinë”, tha Abdullahu.
“Përkundër turbulencave atje, ne dëshirojmë që Turqia të ketë stabilitet në rritje dhe të vazhdojmë ta kemi partnere të qëndrueshme ashtu sikundër ka qenë edhe deri më tani”, u përgjigj tutje me mesazh zëdhënësi i Qeverisë.
Por, Abdullahu nuk është përgjigjur nëse qëndrimet e ministrit Yagcilar se Fetullah Gulen paraqet rrezik për shtetin turk, janë në të njëjtën vijë me qëndrimet e Qeverisë së Kosovës dhe Kryeministrisë. Duke pasur parasysh se ndikimi i Gulenit është i shtrirë edhe në Kosovë, sidomos në fushën e arsimit përmes shkollave dhe kolegjeve private.
Ndryshe, ministri i MAPL-së, Mahir Yagcilar, gjatë një ekspozite me foto të grushtshtetit të dështuar në Turqi, që u hap të martën në Prishtinë, foli kundër Lëvizjes Gulen, e cila po përndiqet nga presidenti turk, Recep Tayiip Erdogan, me arsyetimin se është pikërisht Gulen ai që qëndron prapa puçit të muajit korrik.
“Turqia në ankthin e natës së 15 korrikut ka treguar edhe një herë forcën e saj si shtet demokratik së bashku me presidentin Recep Tayip Erdogan, popullin dhe deputetët përkundër tentimit për predispozim. E gjithë bota duhet ta njohë dhe të dijë për tentim puçin e organizuar nga organizata FETO, duhet të tregojmë se ata janë të rrezikshëm”, citohet të ketë thënë ministri turk i Qeverisë së Kosovës.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31