ARBËRIA-POEZI NGA SHABAN CAKOLLI

Më e moçme se hëna është Arbëria
rrënjët i shtrin
tek mitet ilire
ku perëndesha Dea
qumësht i jep
gjarpërit të shtëpisë.

Ëndërrat arbërore
me Qerren e Diellit
udhëtojnë
për të pushuar
në svastikën
e djepave tanë.

Deri sa flenë arbërorët
dy shqipe të pagjuma
ëndrrat na i ruajnë
netve me hënë.

DITË E VONUAR
Si pikë uji nga shkretëtira
bëhu oazë
dhe mbushi burimet
që t´i freskosh zemrat e djegura
nga vapa qiellore.

Dhe eja
ditë e ëndrrave të bardha!

NË BRENDI
E sotmja
qan të nesërmen,
të dyja në shpirtin tim ndeshen,
unë mes tyre përpiqem
të arrij triumfin.

DRURI I JETËS
Liliane Perrin-it

Ajo vdiq ne nentor
dhe flamujt e fateve tona
i zbritem ne gjysmeshtize.

Liliane Perrin-i,
medalon i perjetshem
ne do ta mbajme te varur
ne kujtimet tona.

Ajo iku ne nentor
dhe vjeshta hyri me verdhesi
ne visoret e endrrave
duke shkundur gjethet
ne Drurin e Jetes.

KËNGË QYQESH
Ne pullazin e shtepise
tubohen qyqet.

Neteve me hene
maje oxhaku
heshtjen mortore
vetem kenga e tyre
e prish.

Mbeshtjell me endrra kobzeza
nena mallkon
kengen e tyre mortore.

Bylbyl i Lumtur

Ti ne kafaz
e une mes natyre
ti kendej
e une matane pasqyre.

Ti larg ne qiell
e une poshte ne toke,
as per nje shekull
s´behemi shoke.

Eja te nderrohemi
per shekullin e ri:
une pellumb:
Ti behu njeri.

DHËMBJA MORI DHEUN

Dhembja mori dheun
dhe loti rrodhi
kur vdiq Ikona e Artit
i madhi Faruk Begolli

KËNGË NË DARDANË
(Metush Krasniqit)

Në Dajkofc
e në Dardanë
anembanë
këndohet një këngë.

Këndon bilbili
majë lisi
për një legjendë
që lindi fisi.

Këndojnë në kor
shkëmbi e lumi
duke rënë nëpër fushë
për Shqiponjën e Krasniqes
në qiellin e kuq të Kosovës.

DARDANË
Diteve me diell
Neteve me hene
nga nje lot ne bebez
Per mallin tend.

Per ujin e gurrave
te Dardanes
me te embel
se gjiri i nenes.

Te dua Toke Dardane
Ç´me vyen jeta
pa pranine tende?
Prane teje te prehem
nder varre
me mbane shpresa
Per Ringjalleje.

SA TË DUA KOSOVË


Sa të dua Kosovë
edhe pse na ndanë
kjo largësi
sikur të bëhesha Shqiponjë
në çerdhe tjetër s´ishahy.

Je për mua vend i dashur
tjetër në botë nuk kam pëlqyar
nën një shkurre,isha përplasur
shpirtin tim për të ushqyar.

Foleja ime,larg mendje mos me qit
ne çerdhen tënde,mungon zogu yt
Nuk të harroi,po të përbehem
më ndriço shtegun,që të mund
të kthehem.

VIZIONARIT
(Ibrahim Rugovës)


Jeta
hije e vogël
Për ëndrren tonë
të madhe.
Mbyll një portë
hap një dritare
për tëdal
në një moshë tjetër.
ERDHI DITA
T´´mbledhim frutet
në atë pemë të jetës
Në mungesën tënde.
Dita e dhembjes së madhe
N´shekuj morti
u rritën brezat
duke pritur
të vish ti,
me një fanar ardhmërie
në dorë.
Tani një diell i kuq
rri varur
në atë degë të bleruar
në pemën e jetës.
AI iku
Po një brerore lirie
ndriçon përjetësisht
në atë afresk
me portretin tënd.

PRITJE ME KANUN

Ndodhi se ç´na ndodhi
sdi kështu a ka ndodhë kund
shumë vite na i mori
pritja me kanun.

Kur u thirr kanuni
tubuan krejt shtresën
edhe djajt me bishta
na i shëndruan në ëngjuj.

Edhe kur kanunin
atë ditë e kanë shpallë
emëruan ministra
edhe kryetarë.

U veshen n´kostume
kravatë e jelek
Evropës marshuan
i ranë cep më cep.

Na doli paria
seç i mësynë ahengjet
kërkojnë nga varfëria
hapni më shumë qeset.

Janë paratë e juaja
për këtë tokë shpëtim
pa to edhe pothuaja
s´ka internacionalizim.

Ne i themi Evropës
kemi zgjedhë kanun
prej juve kërkojna
përkrahëje më shumë.

Armiku na drodhi
na hypi na zbriti
kanuni lot rrodhi
n´konferenca shtypi.

Nxu me pritë Prishtina
faktorin e huaj
ata jepnin këshilla
dëgjo e mos luaj.

Ne do t´ju përkrahim
nxjerrim rezoluta
ju të ruani paqën
të mos shpërthej lufta.

Paria modeste
rronin në kolltuqe
pa një fije vese
Rinia në burgje.

Paria na ftonin
ruani gjakftohësinë
sa më shumë dëgjonim
dajakun mbi shpinë.

Por ka desh dhe ZOti
seq u prish Kanuni

me dajak s´duronim
kërciti dum-dumi
kush me sherr e pati
ai mbeti përfundi.

këtu është qëndresa

Fushat pjellore
majat shkëmbore
i kemi uratë
ndër shekuj gjatë.

Deshën të na i marrin
shpesh ja u futën zjarrin
pata djem e nipa
për sakrifica
unë jam Drenica.

Djemat e Polluzhës
e të Galicës
roje e Drenicës
gjithë nëpër shekuj
fyt me barbarët
deri te Jasharët.

Del xha Shabani
me djem,nipa e mbesa
ndal,ti moj ogurzeza
këtu është qëndresa.

POETIT
Kohë të lirë
hartoj për netë
të lexoj unë një poet
lexoj vargje nga mërgimi
"Krenaria dhe Pikëllimi"
Si i madhi At Gjergj Fishta
shkruan letrari Adem Berisha
Krenarinë e ka kombëtare
pikëllimin si shumë shqiptar
tufa vargjesh ka përmbledhë
në krijimtarinë e tij me vlerë
Fjala e tij thesar ka peshën
kur lëvron me pendë mbi letër
fije vargjesh ,vepra i shtohet
mendimtari ynë rinohet
shton lexuesit ditë pas dite

ngjitet në majë të letrave shqipe.

JETËSIM I ËNDëRRES SË MADHE

Ju që ngjeshet armët
e u ngjitët në male
Sot keni Ringjallje
Jetësuat ëndërren e madhe
Ushtri Çlirimtare.

Ju që ngjeshët brezit
grykëhollat e hutat
anekënd Kosovës
i mbollët frutat
eh,eh,e tani po rrini nën hije
Kosovën e ndritët
me fanar ardhmërie

ua kthyat brezave
ardhëmëri e shpresën
ti vjelin frutat
në pemën e jetës
Veq një gjë na bënë të vuajm
kur vilen frutat në mungesën tuaj.

Rrezet e Lirisë
u bënë dritë portash
më nuk ka ngatërrim zotërash
Mbi pemët e jetës brezat
mbushin shportat
mbi to këndojnë pëllumbat
e kurrë më nuk krrokatin korbat.