Presidenti Obama takohet në Berlin me kancelaren Merkel

nga **Agim Gashi** Thu Nov 17, 2016 10:12 pm

Presidenti Obama takohet në Berlin me kancelaren Merkel

Presidenti amerikan Barack Obama dhe kancelarja gjermane Angela Merkel në konferencë të përbashkët shtypi në Berlin.

Merkel: Gjermania e gatshme të rrisë investimet në ushtri

Kancelarja gjermane, Angela Merkel, gjatë një konferencë të përbashkët shtypi me Presidentin amerikan Barak Obama, tha se Gjermania është e gatshme të rris shërbimin e tyre ushtarak me kërkesë të aleatëve, veçmas të Shteteve të Bashkuara të Amerikës.
Siç raporton AP, NATO-ja ka kritikuar prej kohësh Gjermaninë për dështimin në përmbushjen e detyrimeve që të ndajë të paktën dy për qind të GDP-së në fushën e mbrojtjes, e cila është arsyeja pse kryetari i sapo zgjedhur i Shteteve të Bashkuara, Donald Trump gjatë fushatës i ka bërë thirrje Gjermanisë dhe vendeve tjera evropiane, për të përmbushur detyrimet ndaj NATO-s, ose në të kundërtën SHBA mund të tërheq trupat e saj nga Evropa, për shkak të shpenzimeve të mëdha.
"Ne kemi marrë mesazhin dhe do të fillojmë të reagojmë", tha Merkel në konferencën e mbajtur në Berlin.
Kurse, Presidenti i SHBA-ve në largim, Barack Obama tha se angazhimi Trumpit për NATO-n ishte shumë i rëndësishëm.
Kur është fjala për Ukrainën dhe Sirinë, Obama tha se Shtetet e Bashkuara kanë dallime të rëndësishme me Rusinë dhe ka shtuar se ai shpreson që Tramp do të vazhdojë të kundërshtojë Rusinë, pasi aty ndahen vlerat amerikane dhe normat ndërkombëtare.
Obama tha se Bashkimi Evropian mbetet një nga arritjet më të mëdha në botë dhe duhet të kultivohet edhe më tej.
Ndryshe, Gjermania ka kohë që është duke bërë thirrje për krijimin e një force mbrojtëse të Bashkimit Evropian, për të përballur kërcënimet që vinë nga Rusia, por Britania ka kundërshtuar një kërkesë të tillë, duke thënë se krijimi i kësaj force ushtarake do të dobësonte NATO-n.
Dje edhe kryeministri i Danimarkës është pajtuar që të rris investimet në ushtri në 2 përqind të GDP-së.
***
Presidenti Obama përcolli mesazhin e solidaritetit në qendër të Evropës, duke u thënë gjermanëve dhe evropianëve nga Berlini se Shtetet e Bashkuara do të vazhdojnë të jenë të angazhuara me botën.
Udhëheqësi amerikan zgjodhi Gjermaninë si ndalesën kryesore të udhëtimit të tij të fundit si president jashtë vendit. Në një konferencë shtypi me kancelaren Merkel presidenti Obama tha se diskutoi me udhëheqësen gjermane rreth nevojës së ruajtjes së sanksioneve ndaj Rusisë deri në zbatimin e plotë të marrëveshjes së Minskut.

Rusia është një vend i fuqishëm, tha presidenti Obama,dhe me ndikim në botë dhe është në interesin tonë të pubojmë me të por unë jam I ndërgjegjshëm se ma Rusinë kemi dallime të mëdha përsa i përket vlerave tona.I pyetur në se do të dëshironte që kancelarja Merkel të vinte sërish kandidaturën në vendin e saj, presidenti Obama tha se "kancelarja Merkel ka qënë një partnere e shkëlqyer, por i takon asaj të vendos".
Gjermania është partneri kryesor ekonomik dhe tregtar i Shteteve të Bashkuara në Evropë, një aleat i rëndësishëm i NATO-s, ku ndodhen mijëra ushtarë amerikanë. Presidenti Obama tha se aleanca me partnerët e Natos ka qënë gurë-themeli i politikës së jashtme për gati 70 vjet, në kohë të mira e të këqija dhe mes presidentëve të të dyja partive pasi Shtetet e Bashkuara kanë një interes themelor në stabilitetin dhe sigurinë e Evropës.
Vëzhguesit kanë sugjeruar se udhëheqësja e Gjermanisë, kancelarja Merkel mund të bëhet zëri kryesor liberal në një rajon ku lëvizjet nacionaliste po forcohen. Presidenti Obama mbërriti dje në Gjermani. Mbërritja u parapri nga një mesazh i fortë që ripohonte angazhimin e Amerikës për bashkëpunim me Evropën. Presidenti Obama dhe kancelarja Merkel, theksonin në një artikull për shtypin gjerman se "nuk do të ketë kthim pas në botën para epokës së globalizmit". Mesazhi i presidentit Obama synote të risiguronte udhëheqësit evropianë që janë të shqetësuar nga ajo që disa e shohin si kthim të Amerikës drejt politikave izolacionaliste për shkak të komenteve të bëra gjatë fushatës elektorale nga presidenti i zgjedhur Donald Trump.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31