Rrëzohet aeroplani me 150 udhëtarë

Rrëzohet aeroplani me 150 udhëtarë



Aeroplani "Yemenia" i shoqërisë shtetërore të Jemenit me 150 njerëz në bord u rrëzua në afërsi të ishujve Komore në Oqeanin Paqësor. Një zedhënës i saj si dhe autoritetet në Komore bënë të ditur se avioni Airbus A 310 ishte në fazën e ngritjes nga kryqyteti i ujdhesës Moroni.
Supozohet se avioni është rrëzuar rreth pesë deri dhjetë kilometra larg bregut të ishullit. Anijet janë nisur në drejtim të vendit ku është rrëzuar aeroplani.
Ndër udhëtarët shumica dërmuese ishin nga Komoret, të cilët jetojnë në Francë. Airbus-i ishte nisur nga Parisi për në Jemen dhe ka bërë një ulje në Moroni.
Agjencia e lajmeve Associated Press i referohet një zyrtari të aeroportit të Jemenit të ketë thënë se shumica e pasagjerëve në bordin e aeroplanit, një airbus 310, ishin qytetare të Komorës, të cilët ktheheshin nga Parisi.
Agjensia Reuters i referohet një polici të Komorës, i cili tha se vendi ishullor, nuk ka kapacitete për t’i shpëtuar aksidenteve që ndodhin në det.
Shteti i Komorës, përbëhet nga tre ishuj rreth 300 km në jugperëndim të Madagskarit, në kanalin e Mozambikut.


Ende nuk ka raporte nëse ka të mbijetuar.