Nënshkruhet marrëveshja për investime private

Nënshkruhet marrëveshja për investime private

Nga vizita e delegacioni shtetëror të Kosovës në Uashington




Zotohen
Në këto dy takime me krerët e organizatave ndërkombëtare udhëheqësit e Republikës së Kosovës u zotuan për përmbushjen e të gjitha përgjegjësive dhe zotimeve që dalin nga anëtarësimi në familjen financiare botërore

Në ditën e tretë të vizitës së delegacionit të Kosovës në Uashington të martën nënshkruhet edhe një marrëveshje me Korporatën e Investimeve Private Jashtë shtetit, ose OPIC, që është një agjenci e Qeverisë amerikane që u ndihmon bizneseve të vogla amerikane duke u ofruar shërbime në investimet e tyre jashtë vendit. Presidenti Famtir Sejdiu, kryeministri Hashim Thaçi e ministri i Jashtëm Skënder Hyseni takohen edhe me zëvendëssekretarin e Departamentit të Financave, Eric Meyer Department që ka premtuar një donacion prej 150 milion dollarësh për shlyerje të një pjese të borxhit që ka Kosova ndaj Bankës Botërore, një borxh i trashëguar i Kosovës nga periudha e ish Jugosllavisë. Tërësia e borxhit të Kosovës ndaj Bankës Botërore kapë një shumë prej 381 milionë dollarësh.
Mbrëmë pasdite vonë në selinë e Bankës Botërore udhëheqësit e Kosovës u takuan me presidentin e Bankës Botërore, Robert Zoellick si dhe me Drejtorin e FMN, Dominique Strauss-Khan.
Presidenti Sejdiu falënderoi zyrtarët e Bankës Botërore si dhe FMN-në për ndihmën dhe asistencën teknike që dhanë në vitet pas luftës në Kosovë. Kryeministri Thaçi tha se anëtarësimi në FMN dhe BB është mundësia e investimit në projekte të përbashkëta publike që financohen nga BB. Ai veçoi nevojën e Kosovës për investime në energji, në infrastrukturën rrugore, dhe në fusha të tjera si në arsim, shëndetësi, ujë, ambient dhe bujqësi, investime këto që i quajti për të tashmen dhe brezat e ardhshëm të Kosovës.