Naser Aliu: Poezi

nga **Agim Gashi** Tue Jun 30, 2009 11:29 pm

Naser Aliu: Poezi

Ndërhyrje

Ti po përzihesh në punët e brendshme
më thanë,
vetëm pse pyeta,
pse nuk mund të dalë jashtë!?

Zbulimi

Qëkur u zbulua
se Enver Hoxha

ishte
skizofren,
skizofrenia dhe paranoja,

u hoqën nga librat e mjekësisë!

Dhe,

sapo u mor vesh,

se Enveri

shkërdhente rregullisht Byronë Politike,

homoseksualizmi

nuk llogaritet më si devijim!

Me vetveten

( të përndjekurit)

Do të flasësh me vetveten,

më thanë!

Dhe,

e kishin ditur,

njëzet vjet

në qeli

fola

dhe pyeta veten,

si ia dola të bëhem armik i popullit!?

Mësimi

(Robert Martikos)

Armik i popullit
tha ai

dhe përplasi dorën

mbi dosje!

Ata heshtën kokulur!

Kundroi fytyrat
e ngrysura
një nga një
dhe,

dalëngadalë
shpërtheu
duartrokitja skizofrenetike!

Ai është armik i popullit
bërtitën njëzëri!

Kundërshtar i diktaturës
thonë, sot, po ata,

që duartrokitën dje!

Dhe, kjo më bën të dyshoj, por edhe ta dua njeriun!

Lajmi mori dhenë

Sapo u mor vesh

se
Enveri

dhe Ramizi
bënin seks

dhe se

Komiteti Qendror
duartrokiste

pas çdo orgazme,

nisi

shembja e

Partisë së Punës!

Domina

Për internacionalen
tha ai,
me kamxhik në dorë,
çizme të zeza,
dhe pantallona të zeza dhe të shndritshme

dhe xhaketë të zezë dhe të lustruar!

Kamxhiku
mbi Shqipëri...

Pasion e kënaqësi

Eksitim,

kur shkaktonte dhimbje

të tjerëve!

Dhe u kënaq

deri në ofshamë-orgazmën e fundit!

qershor 07

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31