KQZ shpall fituese PD dhe aleatët e djathtë

KQZ shpall fituese PD dhe aleatët e djathtë





Komisioni Qendror i Zgjedhjeve ka bere te ditur rezultatin paraprak te zgjedhjeve. Keshtu, nga 4704 qendra te numeruara prej 4753 gjithsej, sipas zedhenesit te KQZ-se, Leonard Olli Aleanca e Ndryshimit ka marr 46.69 per qind, Bashkimi per Ndryshim 45.36 per qind, Aleanca Socialiste per Integrim 5.56 per qind dhe Poli i Lirise 1.82 per qind. E perkthyer ne mandate nga zedhenesi i KQZ, Aleanca e Ndryshimit ka 71 mandate, Bashkimi per Ndryshim 65 mandate dhe Aleanca Socialiste per Integrim 4 mandate.


TIRANË- Partia Demokratike ka fituar zgjedhjet Parlamentare të qershorit 2009, duke marrë bashkë me aleatët 71 mandate. Kështu ka deklaruar sonte zëdhënësi Komisionit Qendror të Zgjedhjeve, Leonard Olli, gjatë një konference për shtyp, duke nënvizuar se këto janë të dhënat paraprake të zgjedhjeve. Sipas tij, koalicioni i majtë Bashkimi për Ndryshim ka fituar 65 mandate, ndërsa koalicioni i Lëvizjes Socialiste për Integrim ka marrë 4 mandate.
KQZ shpall këtë rezultat ndërkohë që dihet tashmë problemi me kutitë e votimit të qarkut të Fierit. Kanë mbërritur në KQZ, 3 kutite e KZAZ nr. 20, ende të pahapura dhe të panumëruara. Po kështu kanë mbërritur për verifikim edhe kutitë e KZAZ nr. 19 dhe nr. 22 të po këtij qarku, pas problemeve mes komisionerëve për plotësimin e tabelave.Gjithsesi ai tha se ky është një rezultat paraprak përsa kohë KQZ nuk ka marrë asnjë vendim për kutitë e Fierit. Aktualisht ky instiucion ka numëruar kutitë e Fushë-Kuqes të qarkut të Lezhës, që nuk e ndryshuan rezultatin e mandateve. Pra Lezha mbeti në shifrat e deklaruara dy ditë më parë, 4 deputetë për PD dhe 3 për PS.

Rezultati paraprak i KQZ-së për koalicionet
Alenca për Ndryshim 46.69 për qind të votave
Bashkimi për Ndryshim 45.36 për qind
Aleanca Socialiste për Integrim 5.56 për qind