Qendrat islame në Gjermani ishin bartëse të shumë organizimeve kombëtare

Qendrat islame në Gjermani ishin bartëse të shumë organizimeve kombëtare

Në Frankfurt të Gjermanisë u mbajt kuvendi i dytë vjetor i Unionit të qendrave shqiptare islame për Gjermani

Me moton, të jemi unikë dhe të bashkuar me 20 qershor, e shtunë, në Frankfurt u mbajt kuvendi i dytë vjetor i Unionit të qendrave shqiptare islame për Gjermani. Pas këndimit të disa ajeteve kuranore nga Sabri efendiu Saliji, këtë tubim e shpalli të hapur Zylhajrat Efendi Fejzullahu, kryetar i unionit. Ai për fillim prezantoi rendin e ditës ku nga të pranishmit u aprovua. Kryetari i Unionit të qendrave shqiptare islame për Gjermani prezantoi raportin e punes njëvjeçare që ka bërë Unioni, ku në vazhdim tha edhe pse për nga territori Gjermania është e madhe, ku në çdo cep të Gjermanisë jetojnë shqiptarët përkunder largësive që kemi anëtarët e kryesisë kanë arritur që t´i koordinojnë punët e tyre dhe të tubohen dhe të organizojnë mbledhjet e tyre që janë në përputhje me rregulloren e Uniont. Ai pas një ligjerate të bukur ceku disa çështje të rëndësishme se si duhet të organizohemi dhe si të veprojmë nepër qendrat tona, duke potencuar se ne duhet të prezantojmë dashurinë ndaj të tjerëve dhe të bashkëpunojmë ngusht me komunitetin e vendit ku jetojmë, ai porositi që të kultivojmë vlerat tona të bukura kombëtare dhe fetare.
Kryetari i unionit paraqiti në menyrë kronologjike edhe punën që është bërë gjatë këtij viti, duke cekur se nga themelimi e Unionit, qndrat islame janë më të organizuara si ne nivelin lokal ku ato veprojnë po dhe atë ne nivel qendror.Ai tha se vitin e kaluar posaqerisht gjatë muajit të Ramazanit, Unioni organizoi vizita të ndryshme nepër Qendrat islame shqiptare me delegacionet nga vendlindja, ai në vazhdim tha se, Unioni ka përgatitur për vitin kalendarik 2008/2009 "Takvimin" (Kalendarin islam) për të gjithat qendrat në nivel të Gjermanisë, ai ceku edhe punën që bëjnë qendrat nepër qytetet ku ato gjenden, në bashkëpunim të ngushtë me Unionin. Sabri Efendi Saliji në vazhdim paraqiti të hyrat dhe të dalurat vjetore ku tha se 90% të Qendrave islame shqiptare kanë paguar obligimet e tyre, që kanë ndaj Unionit, ai në vazhdim tha se, arka e Unionit është stabile dhe me premtime se në të ardhmen do të jetë edhe më e pasur.
Pas diskutimeve të shumta u vendos që shpenzimet që bën kryesia e ngushtë për interesat e Unionit të paguhen nga arka e Unionit, të cilën gjë deri me tash e kanë mbuluar vet anëtarët e kryesisë. Në vazhdim raporti i punës kaloi në diskutime, nga të pranishmit u përshëndet puna e bërë nga kryesia me synim që në të ardhmen punët të konsolidohen edhe më mirë. Në këtë kuvend u propozuar që kuvendi të punojë në komisione, nga të pranishmit u propozua që të formohen dy komisione, komisioni për informim, dhe komisioni i cili do të mirret me çështjen e kofomave, nga diskutantët u përshëndeten këto indiciativa dhe u votuan këto dy komisione me aklamacion.
Komisioni për informim mori për detyrë që brenda një kohe të shkurtër të nxjerrë buletinin informativ të Unionit më të cilin do të informohen shqiptarët me aktivitetet e tyre të cilat zhvillojnë në Gjermani.
Kurse komisioni për kufomat brenda një kohe të shkurtër të bëjë programin për funksionimin i një fondi të posaçëm për kufomat ku sa do pak do të lehtësojë problemet e bashkatdhetarëve tanë qe jetojnë në Gjermani ku për një kufomë paguajnë shuma të mëdha.
Për fund vlen të theksohet se Unioni i qendrave islame shqiptare brenda tij ka të regjistruara gjashtëmbjedhtë qendra lokale, ku në kordinim me Unionin këto qendra zhvillojnë një aktivitet të bujshëm kombëtar dhe fetar. Vlen të theksohet se këto qendra kanë qenë bartëse të shumë organizimeve kombëtare, si p.sh. për Festen e Flamurit, të pavarësisë së Kosovës dhe shumë festa tjera që ka kombi ynë. Nëpër këto qendra përveç mësim-besimit islam, zhvillohet edhe mësimi plotësues në gjuhen e bukur amtare. Me një fjalë këto qendra janë bërë vatra kombëtare dhe fetare.
Baki Mustafa, përgjegjës i Unionit për informim