Mbani mend fjalët e senatorit McCain

Mbani mend fjalët e senatorit McCain

Ambasadori amerikan apelon te liderët shqiptarë




Ambasadori amerikan në Tiranë, Xhon Uidhers, gjatë ceremonisë për 223-vjetorin e pavarësisë së Shteteve të Bashkuara të Amerikës, u ka bërë thirrje politikanëve që të përfundojnë në mënyrë të rregullt dhe jo partiake numërimin e votave. "Shqipëria është tashmë në fazën përfundimtare të zgjedhjeve të rëndësishme parlamentare, numërimit zyrtar të votave dhe shpalljes së rezultateve përfundimtare. Unë u bëj thirrje drejtuesve politikë shqiptarë që të mbajnë mend fjalët e senatorit McCain, ndërsa siç edhe e pres, ky proces të përfundojë në një mënyrë të rregullt, jo partiake dhe profesionale. Pavarësisht se kush e fiton këtë garë, inkurajoj që të gjithë aktorët politikë në vend të tregojnë vullnet të mirë, që të ndërmarrin përpjekje të sinqerta, që dhe ju të gjeni kompromiset e domosdoshme për të kapërcyer dallimet tuaja. Të motivoheni nga dëshira për t'u lënë fëmijëve dhe nipërve tuaj një Shqipëri më të mirë, më të fortë se ajo që trashëgohet,"- theksoi ambasadori Uidhers në fjalën e tij.