Prezantohet Kristiano Ronaldo, 70.000 tifozë të pranishëm në “Bernabeu”

Madrid, 6 korrik - Cristiano Ronaldo është prezantuar zyrtarisht si futbollist i Real Madridit, para 80 mijë tifozëve, të pranishëm në stadiumin Bernabeu. Aktualisht, futbollisti më i mirë në botë, kaloi testin mjekësor gjatë paradites para se të kompletonte transferimin në vlerë 94 milion euro nga Manchester United. Tifozët e klubit mbretëror kanë pritur gjatë gjithë ditës në Bernabeu, në mënyrë që të sigurojnë një ulëse për ta parë Ronaldon, i cili do të bart fanellën me numër 9. (Foto: Marca)


Prezantohet Kristiano Ronaldo, 70.000 tifozë të pranishëm në “Bernabeu”

“Bernabeu” në delir...

U prezantua edhe thesari i fundit i projektit të Florentino Perezit, portugezi Cristiano Ronaldo, i cili përjetoi një eksperiencë të paharrueshme në zyrtarizimin e tij. Stadiumi “Santiago Bernabéu” ishte i mbushur deri në të dendur, rreth 70.000 shpirtëra të ngjitur me njëri-tjetrin. Ai shpërtheu në ovacione të papara teksa Florentino Perez, pasi falënderoi turmën e tifozëve për ndihmën e tyre, tha në mënyrë lineare këto fjalë: “Ka ardhur dita dhe ora tashmë që ne të mirëpresim banorin më të ri në shtëpinë tonë. Sot kemi marrë tek Reali Cristiano Ronaldon.”



Dhe në cast del nga tuneli i mitikut madrilèn, i veshur me fanellën e bardhë merenguese, me numrin “9” në anën e pasme, Kristiano Ronaldo, emri i të cilit jehoi gjatë, nëpër koret e tifozëve të pranishëm në stadium, që bërtisnin: “Po, po, po, Ronaldo tashmë është këtu.”
Pasi takohet me dy nga legjendat e njohura të Realit të Madridit, Di Stefano dhe Eusebio, lojtari më i ri galaktik merr fjalën, tepër i emocionuar, jo vetëm për faktin se është lojtari më i paguar në historinë e futbollit, por edhe nga mikpritja. “Jam shumë i lumtur që ndodhem këtu. Tashmë shoh që m’u përmbushush ëndrra e fëmijërisë, e cila ishte që të luaja me Realin e Madridit. Unë nuk e prisja që stadiumi të mbushej plot vetëm për mua, kjo është e mahnitshme, nuk gjej fjalë ta përshkruaj.”



Në këtë mënyrë, për portugezin, fituesin e “Topit të Artë” në vitin që shkoi, historia filloi të shkruhet! Dje, Kristiano Ronaldo ka kaluar me sukses vizitat mjekësore dhe është prezantuar si blerja rekord e Realit të Madridit, që shpenzoi 93 milionë euro (130 milionë dollarë) për ta marrë nga Mançester Junajtid. 70.000 tifozë të Realit ishin të pranishëm në “Santiago Bernabeu” për t’i dhënë mirëseardhjen portugezit, i cili do të përfitojë 13 milionë euro në vit për gjashtë sezonet e ardhshme. Kristiano Ronaldo do të mbajë fanellën me numrin 9 dhe vjen si mbajtësi në fuqi i “Topit të Artë”.
Prezantimi i 24-vjeçarit është krahasuar me atë të Diego Armando Maradonës, i cili u prit nga 75 mijë tifozë të Napolit kur shkoi nga Barcelona në vitin 1994. Klubi që dëshiron të paguajë klauzolën për blerjen e Ronaldos do të duhet të paguajë 1 miliardë euro.

Tabela e lojtarëve më të shtrenjtë në botë