Bashkatdhetarët tanë në Gjenevë urojnë dr. Sali Berishën, kryeministrin e Shqipërisë

Bashkatdhetarët tanë në Gjenevë urojnë dr. Sali Berishën, kryeministrin e Shqipërisë

Festuam fitoren tuaj, të Partisë Demokratike e të demokracisë

I nderuar kryeministër, prof. dr. Sali Berisha!
Jemi mbledhur sot në restorantin në Gjenevë, për të festuar fitoren Tuaj, të Partisë Demokratike, të demokracisë, të drejtuar me largpamësi nga Ju. Kjo na gëzon së tepërmi, edhe pse larg nga Atdheu ynë, jemi pranë jush në këto çaste, bashkë me mijëra miq të Shqipërisë dhe Kosovës. Jemi 8.000 shqiptarë në Gjenevë dhe afro 200.000 në Zvicër dhe shumë prej nesh edhe pse jemi përkohësisht apo edhe për gjithmonë, zemra na bëhet mal kur dëgjojmë mirë për kombin tonë. Fëmijët tanë, falë mirëkuptimit të autoriteteve kantonale dhe të Konfederatës zvicerane, mësojnë në shkollat shqipe. Jemi kombi që kemi Universitetin tonë popullor në Gjenevë, që gjatë gjithë vitit funksionon dhe jepen mbi 600 orë mësim në gjuhën shqipe apo frënge, si dhe organizohen kurse të ndryshme. Herë pas here në këtë Universitet organizohen pasdite dhe mbrëmje letrare ku letrarët dhe shkrimtarët tanë apo edhe miq zviceranë paraqesin librat e tyre. Organizohen dhe shfaqje artistike me pjesëmarrjen e grupeve të fëmijëve dhe të rriturve që banojnë këtu. Kemi 5 gazeta që botohen në gjuhën shqipe, si dhe ndjekim me interes nëpërmjet internetit shtypin shqiptar, apo shohim televizionet tona, të Shqipërisë dhe të Kosovës. Lajmin e fitores suaj e pritëm me gëzim, edhe kur pamë se shtypi zviceran i dha një jehonë pozitive. Ministrja e jashtme e Konfederatës Zvicerane, Micheline Calmy-Rey, ka shprehur solidaritetin e saj me shqiptarët. Zvicra ka qënë një nga vendet e para që ka njohur pavarësinë e Kosovës dhe çmon kontributin e shqiptarëve për ndërtimin dhe lulëzimin e Zvicrës.
Autostrada që na lidh me Kosovën, ëndrra jonë, u realizua në sajë të largpamësisë tuaj. Falënderime nga zemra dhe nga vëllezërit kosovarë që janë mbledhur sonte për të festuar fitoren e demokracisë shqiptare: Nexhmedin Berisha nga Gjakova; Flamur Gashi nga Rahoveci dhe bashkëshortja, pronar i restorantit “Edon” në Gjenevë, Alfred Papuçiu dhe familja, Ëngjëll dhe Drita Veshi, Nysret Telkiu dhe familja, Bujar Marika dhe familja, familjet Mehmeti, Bytyqi, Leka, Krasniqi, Cacaj, Fejzullahi, Duraku, Gërvalla, Malaj, Bektashi, Bajraktari, Avdullahu, Keta, Thanasi, Aliaj, Paçarizi, Rodiqi, shumë vëllezër të tjerë nga Kosova dhe Shqipëria.
Po ngrejmë në këto çaste një dolli për Ju, për bashkëshorten tuaj të përkushtuar për çështjen e fëmijëve shqiptarë, zonjën Liri Berisha dhe për të gjithë bashkëudhëtarët në rrugën tuaj. Ne na keni pranë dhe me mundësitë tona do ndihmojmë Shqipërinë demokatike.
Gëzuar dhe respekte të thella!

Bashkëkombasit tuaj në Gjenevë