Gjermani: Shqyrtohen dokumentet për spiunët komunistë

Gjermani: Shqyrtohen dokumentet për spiunët komunistë

Gjermania kërkon rikontrollin e administratës, për të zbuluar bashkëpunëtorët e Shërbimit Sekret komunist



20 vjet pas kthesës janë bërë të njohura më shumë detaje për aparatin e atëhershëm të Shtazit.


Kritikët në të gjitha institucionet po kërkojnë rikontrollin e bashkëpunimeve të dikurshme të gjermanolindorëve me STASS-in. Diskutimi i ri vjen pas analizës se s’ka mjaftuar transparenca e dokumenteve në vitin 1990, kur edhe u bashkuan dy Gjermanitë. Në fokus të diskutimit aktual: 17 mijë ish-bashkëpuntorët e Shtazit, të cilët kanë punuar në shërbimin publik pas rrëzimit të Murit të Berlinit apo punojnë ende. Ata duhet të kontrollohen edhe njëherë, kërkojnë kritikët. Bashkëpuntorë të Stasit apo jo, dhe a janë kontrolluar mjaft, kur si gjermanolindorë u pranuan në shërbimin e shtetit gjerman, pas rrëzimit të Murit të Berlinit. Në administratën e landeve të reja gjermanolindore kjo çështje është lënë pas dore, beson i ngarkuari me çështjet e Stasit në Sachsen-Anhalt dhe kërkon një kontrollim të ri. "Ky mund të jetë vetëm një tregues. Ne kemi të bëjmë me një legjislacion tjetër të akteve të Shtazit, i cili mundëson edhe kontrollimin e pozitave drejtuese. Por ky kontroll duhet bërë duke marrë parasysh diskutimin aktual", thotë Gerhard Ruden, i ngarkuari me çështjet e Shtazit në Landin Sachsen-Anhalt.
20 vjet pas kthesës janë bërë të njohura më shumë detaje për aparatin e atëhershëm të Shtazit. Disa nga 17 mijë ish-bashkëpunëtorët e atëhershëm të Shtazit, punojnë prej vitit 1990 për policinë e landit Brandenburg, si përshembull në sektorin e mbrojtjes së shtetit. Ministri i atjeshëm i brendshëm nuk e kupton shqetësimin aktual: "Kjo ka një gjë e njohur dhe tani bëhet skandal. Unë kam përshtypjen se shumë vetë nuk janë marrë me përmbajtjen", sqaron ministri i brendshëm i landit të Brandenburgut, Jörg Schönbohm. Ndërkaq deputeti socialdemokrat Stephan Hilsberg mendon se: "Që të punosh në pozitat drejtuese të Entit për Kriminalistikë në Brandenburg, ndërkohë që më parë ke qenë aktiv për HVA-në, Shërbimin për botën e jashtme, në sektorin kundër rezistencave dhe opozitarëve, kjo nuk shkon bashkë" - thotë socialdemokrati Hilsberg. Në të vërtetë as kritikët nuk duan që të nxjerrin thjeshtë nga puna të gjithë ish-bashkëpuntorët e Shtazit. Cila ka qenë detyra e tyre, në çfarë pozitash punojnë sot - kush ka punuar më herët për një sistem të padrejtë duhet të sillet sot në mënyrë korrekte.