Halit Bogaj: Istref Begolli

nga **Agim Gashi** Sun Jul 19, 2009 2:33 am

ISTREF BEGOLLI/1933-2003/

Nga Halit Bogaj

Ashtu si çdo popull që ka idhujt e vetë kulturorë, në fusha të ndryshme të artit, edhe ne kishim Istref Begollin tonë me t’ cilin ishim mësuar të jetonim gjysmë shekulli të tërë.Vdekja e tij, e papritur, kur ai mund të krijonte edhe role të tjera të famshme teatrore dhe filmore, ishte nje ogur i zi për të gjithë ne që kishim përjetuar ta shikonim Istrefin si në Teatër, ashtu edhe në film.Vdekja e pamëshirshme e mori me vete një yll të vërtetë të nënqiellit kosovar, i cili la një vend të zbrazur, por edhe një histori krenare të unit të tij intelektual dhe artistik.Ai na la të pikëlluar përgjithmonë,por edhe na bëri që ta kujtojmë me mburrje dhe pietet të madh .Vdekja e mori Istrefin për t’i a thyer krahët edhe Teatrit tonë kombëtar, por edhe filmit kosovar në të cilin Istref Begolli ishte njëra ndër shtyllat kryesore.Kur aktronte në Teatër dhe film,vërtet na dukej se kishte lindur vetëm për atë vokacion të ndritur, por shpeshherë edhe të dhembshëm, ngase e dimë se çka perjetoi kultura jonë kombëtare në vitet e kaluara dhe në një peridhë të gjatë kohore.Personalitetii tij i rrallë dhe me karakter të fortë dhe fisnik, ishte përherë i pandryshuar.Te gjitha rolet i luante pa ngurrim dhe me një forcë të pashterrshme,për të na mbetur në kujtese të përhershme si një aktor i përmasave madhështore çfare i lejonin rrethanat dhe mundësitë tona kombëtare.Na dukej se Istref Begolli kishte lindur dhe ishte rritur në skenë,duke interpretuar çdo rol të tij me aftësira të jashtëzakonshme,me përkushtim të paparë dhe me sens kuptimplotë artistik.Ashtu siç ishte origjinal deri në skajshmëri ,Istref Begolli me të vertetë na bënte qe ta donim edhe më tepër artin teatror,filmor,dramatik dhe gjithçka qe ishte e lidhur me skenën.Modest përnga natyra dhe edukata e tij,por ballëlartë në qëndrimet e veta jetësore,Istrefi na bënte përherë ta donim, ta çmonim dhe respektonim si njërin ndër doajenët tanë më të më mëdhenj që i nxori ky popull nga gjiri i vetë i lashtë dhe i talentaur. Kur shkonte edhe në festivale të ndryshme jashtë Kosovës, ia zbardhte fytyrën këtij vendi dhe këtij populli,duke u vlerësuar si duhej edhe nga të gjithë ata që e kuptonin thellësinë e artit të vërtetë. dhe kreativ.Istrefi shpeshherë mori edhe shpërblime të ndryshme për rolet e veta poliedrike dhe madhështore me të cilat mahniste publikun kudo që ishte në skenë.Luante role të shumta pozitive dhe negative,por duke u mbetur përherë besnik idealeve dhe qëllimeve të larta që çdo rol ta nxirrte sa më superior. Ajo ishte dhunti dhe profesion vetëm i aktorëve të formatit të Istref Begollit,Abdurrahman Shalës,Shani Pallaskës,Malo Gamit dhe Xhevat Qenës të cilët nuk gjenden më në mesin tonë për të na dhuruar edhe shumë role të tjera të fuqishme me të cilat na kishin mësuar në vitet dhe ditët e tyre të lavdishme.Të flitet dhe të shkruhet për figurën madhështore të Istref Begollit,do të duhej hapësirë më e madhe dhe të bëheshin edhe analiza të ndryshme të roleve të tij aq të shumta që kapin një periudhë gjysmëshekullore.Edhe Istref Begolli i përkiste asaj plejade të aktorëve të cilët në asnjë mënyrë nuk pranonin të luanin çfardo roli,pa qenë i bindur se do t ‘i përshtatej plotësisht dhe duke mos dashur të binte nën nivelin e krijuar gjatë atyre viteve të stuhishme. Ndonse edhe ai ndante fatin e pafat të popullit të vetë,asnjëherë nuk dorëzohej para sfidave të ndryshme të cilat provokuan çdo individ dhe personalitet të qenjes sonë kombëtare që vuante nga kthetrat e nacionalshovinizmit serbomadh.Pra edhe ai i tejkaloi të gjitha ato golgota dhe sprova të vështira me te cilat u përballën sidomos intelektualët më të mëdhenj të cilët nuk kishin kah t’ia mbanin..Istref Begolli na la shumë role fenomenale në interpretimet teatrore,siç janë:
”Zhelanët ”,”Zjarri dhe hiri”, ”Zullumçarët”, ”Sikur të isha djalë” , ”Zhorzh Dantoni”, ”Besa”, ”Dy rreshterë”, ”Mirandolina”, ”Nuk martohem me para”, ”Shërbëtori i dy zotërinjve”, “Halit Gashi”, “Berberi i Seviljes”, ”Miu në xhep”, ”Dredhitë e Shaptukut”, ”Erveheja” ,”Othello”, ”Antigona”, ”Makbethi”, ”Hamleti”, ”Riçardi i tretë”.

Gjithashtu luajti edhe në filmat:
”Atentatorët e Selanikut”, ”Kaptien Lleshi”, ”Vëllau i Dr.Homerit”, ”Mali i Lelejit”Pushka e Nevesinjes”, ”Sulmi i kuq”, ”Koka ime e marrë”, “Republika në flake”, ”Era dhe Lisi ”, ”Kur pranvera vonohet”, ”Përroi vërshues”, ”Tre vetë kapërcejnë malin” ,”Proka”, ”Njeriu prej dheu”, ”Pikniku”, “Rojet e mjegullës” dhe” Teroristi”.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31