Klube nga Kosova morën pjesë në ‚Gothia Cup 2009’

Klube nga Kosova morën pjesë në ‚Gothia Cup 2009’

Në Geteborg të Suedisë


Kosova në Göteborg


Në Geteborg të Suedisë ditë më parë u mbajt turneu tradicional ndërkombëtar në futboll i njohur si ”Gothia Cup 2009”. Ky turne është i 35 me radhë kurse këtu sivjet morën pjesë katër klube futbollistike nga Kosova: KF Gjakova 18 vjeçarët, KF Drenica 16 vjeçarët , KF Iliria e Kjevës 16 vjeçarët dhe FC Winer 15 vjeçarët.
Në hapjen solemne morën pjesë 16 vende të botës, kurse në garat e kësaj kupe konkurrojnë ekipe prej 63 vendeve të botës. Ndërkaq në hapjen solemne kësaj radhe merrte pjesë edhe Kosova si shteti më i ri në botë ndërkohë që në arenën futbollistike të Geteborgut ”Ullevi” kishin zënë vend mbi 52 000 shikues.
Për publikun shqiptar ishte kënaqësi e posaçme kur parakalonte grupi sportistëve kosovar dhe valvitja e lirë e flamurit të Kosovës. Kurse vajzat që bartnin flamujt e vendeve përkatëse dukeshin tamam si pëllumba lirie e paqeje. Pjesëmarrësit po ashtu përkujtuan me një minutë heshtje legjenden e pomuzikës Michael Jackson dhe me një dans të përkryer ku merrnin pjesë 400 vallëtarë të veshur bardh e zi dhe republika në kokë duke kënduar disa pika atraktive të artistit të ndjerë.
Dhjetra mijëra dashamirë të sportit dhe paqes në botë ishin mbledhur në Geteborg, pa ditur gjuhën e njëri-tjetrit, por duke ndjerë prap dashurinë për këtë laramani nacionalitetsh dhe për sportin si kalitës i dashurisë njerëzore.
Djem dhe vajza deri në moshën 18 vjeçe për një javë ditë përveç futbollit paten rastin edhe të njihen në mes veti dhe të përfshihen në aktivitete të shumta. Fitorja nuk paraqet edhe ndonjë rëndësi këtu, e rëndësishmeja është marrësh pjesë dhe të gjendesh aty ku bota gëzon – sivjet aty gëzoi edhe Kosova.

Shuquri Sejdijaj