ORA kundër vendimit të KQZ-së për mos-instalimin e kamerave

ORA kundër vendimit të KQZ-së për mos-instalimin e kamerave

Partia Reformiste ORA fuqishëm e kundërshton përçimin e një vendimi kaq të rëndësishëm dhe me rëndësi politike, nga ana e KQZ-së. Vendimin mbi këtë çështje është dashur ta bjerë Parlamenti i Kosovës.



Ora: Duke e përshëndetur këtë vendim i sugjerojmë Qeverisë së Kosovës qe të nxjerrë mësime, ngase fatkeqësisht edhe në Kosovë ka shumë policë të vrarë dhe të plagosur në kryerjen të detyrës, familjet e të cilëve kanë mbetur me përkujdesje të pamjaftueshme materiale

Prishtinë- Vendimi i KQZ-së për mos-instalimin e kamerave vëzhguese në vendvotimet e zgjedhjeve lokale të 15 nëntorit e shoi edhe shpresën e fundit se çfarëdo kërkese e partive opozitare, pavarësisht sa e arsyeshme është, do të hasë në mospërkrahje dhe refuzim, madje edhe atëherë kur deklarativisht përkrahet nga të gjitha partitë. Ndërkohë ORA përshëndetë vendimin e Qeverisë shqiptare për fëmijët e policëve të vrarë ditë më parë në Durrës. Deklarata e kryetares së KQZ-së se kamerat do ta pengonin transparencën, është pasqyrë e mungesës së argumentit të shëndoshë, ndërsa thënia e një anëtari të komisionit se kamerat do ta cenojnë privatësinë e qytetarëve, e shpreh dëshirën e qarqeve të caktuara që në shekullin e internetit privatësia të jetë e kontrolluar dhe e dirigjuar sipas nevojave ditore. Partia Reformiste ORA fuqishëm e kundërshton përçimin e një vendimi kaq të rëndësishëm dhe me rëndësi politike, nga ana e KQZ-së. Vendimin mbi këtë çështje është dashur ta bjerë Parlamenti i Kosovës. Ky vendim dërgon mesazh të shëmtuar mbi mosgatishmërinë e Kosovës që të mbajë zgjedhje të ndershme dhe transparente. Duke gjykuar edhe njëherë vrasjen makabre të katër policëve në Durrës, gjatë kryerjes së detyrës, edhe njëherë i shprehim ngushëllime të thella familjeve edhe shtetit të Republikës së Shqipërisë për këtë humbje të rëndë. Në këto momente të rënda, Qeveria e Shqipërisë mori një vendim shumë human, me të cilin fëmijëve të policëve të rënë iu akordohet paga e plotë deri në moshën e pjekurisë. Duke e përshëndetur këtë vendim i sugjerojmë Qeverisë së Kosovës qe të nxjerrë mësime, ngase fatkeqësisht edhe në Kosovë ka shumë policë të vrarë dhe të plagosur në kryerjen të detyrës, familjet e të cilëve kanë mbetur me përkujdesje të pamjaftueshme materiale, thuhet mes tjerash në komunikatën për media të Partisë Reformiste ORA.