‘Lumë kritikash’ ndaj Everett për dokumentarin rreth Bajronit

‘Lumë kritikash’ ndaj Everett për dokumentarin rreth Bajronit






“Në vend që të ruante magjinë poetike të heroit, ai ekspozoi një rrok-star romantik, si një figurë të ndërtuar me dinakëri”, shkruan “The Independent”. "Aventurat skandaloze të Lord Bajronit", do të shfaqen në shtator edhe në Tiranë, me rastin e 200-vjetorit të udhëtimit të tij të famshëm. Madje, janë të pritshme edhe debatet, duke qenë se në të përzihet edhe figura e Ali Pashë Tepelenës.
Një aktor guxon të flasë për aventurat seksuale të një prej poetëve më të mëdhenj në botë, Lord Bajron. Mediat botërore kanë “lëshuar” një lumë kritikash ndaj Rupert Everett, i cili përshkoi rrugën nëpër të cilën Bajroni shkeli 2 shekuj më parë, në udhëtimin e tij të famshëm. "Si guxonte, një aktor si Everett të fliste në atë mënyrë për poetin e tyre kombëtar"?
Përgjatë gjithë rrugëtimit të tij, dokumentaristi ishte fokusuar më së shumti në aventurat seksuale të poetit të ri, ndër të cilat marrëdhënia me gjysmë motrën e tij, apo lidhja dashurore që pati gjatë qëndrimit në Shqipëri, me Ali Pashë Tepelenën. “Në vend që të ruante magjinë poetike të heroit, ai ekspozoi një rrok-star romantik, si një figurë të ndërtuar me dinakëri", shkruan Tim Walker në "The Independent".
Kjo duket se nuk u pëlqye fort nga anglezët, kryesisht ata konservatorë, të cilët nuk e vlerësuan vetëm si fyerje për poetin, por kanë "përçmuar" edhe prejardhjen klasore të autorit.
Dokumentari i Everett u godit nga shumë kritikë, por sigurisht pati edhe nga ata që mbajtën "anën" e tij.
b.m