Halit Bogaj: Ben Huri - Laureat i 11 çmimeve oskarë

nga **Agim Gashi** Tue Aug 18, 2009 12:44 am

BEN HURI /1959/

Laureat i 11 çmimeve oskarë

Nga Halit Bogaj

‘’BEN HURI” është film i popullarizuar historik I realizuar në vitin 1959, regjinë e të cilit e ka bërë Viliam Vajler, me aktorët Çarlton Heston dhe Stiven Bojd në rolet kryesore.

Ngjarja e filmit sillet rreth shekullit të parë në kohën kur princin e pasur Ben Hurt të Judesë e tradhëton shoku i fëmijëris/romaku Mesala/, duke e dërguar në internim në anijet ushtarake të Romës.

Filmi i fitoi katër Globa të artë dhe 11 çmime oskarë, me të cilin u barazuan””Titaniku”dhe””Zotëruesi i unazave””.

Juda Ben Hur është njeri i pasur i Judesë dhe njeri i ndershëm.Numri i ushtarëve romakë shtohet në Jerusalem, kurse në qytet kthehet edhe Mesala, ish shoku i Ben Hurit, por kësaj radhe në rolin e Konsulit romak.Që të dytë në fillim duken të lumtur që e takojnë njëri tjetrin, por e kuptojnë se kanë mendime të ndryshme politike. Derisa Ben Huri mendon se Judeja duhet të jetë e pavarur dhe t’ u përket ebreitëve, Mesala është I bindur se Roma duhet ta sundojë botën.

Me rastin e një parakalimi ushtarak pranë shtëpisë së Ben Hurit bie një tjegull e çatisë së kulmit të tij dhe gati e lëndon një ushtarak romak. Për këtë rast aksidental Mesala e fajson Ben Hurin për tentim vrasjeje dhe e dërgon në internim të pakthyer, ngase princi ebreit nuk kishte dashur të bashkëpunonte me okupatorin e vendit të tij.Pra edhepse Mesala e dinte se ai ishte një aksident , por e akuzon mikun e tij të vjetër në mënyrë që populli ebreit të bindej se Mesala ishte një dorë e forte sundimtare në Judenë e Ben Hurit.Dukej se Masala nuk ishte kënaqur vetëm me internimin e Ben Hurit, ndaj ia burgos edhe nënën dhe motrën. Ben Huri nuk mund ta kuptonte se si lakmia për pushtet e kishte verbuar aq tepër Mesalën prandaj betohet për një hakmarrje të sigurtë ndaj tij.

Duke ecur I lidhur si skllav, Ben Huri e takoi Jezu Krishtin I cili I dha ujë të pinte në vapën përcëlluese, duke e bindur edhe ushtarakun romak me kamxhik që të mos e ndërpriste aktin e tij humanitar.Qysh në atë skenë hetohet fuqia kolosale e Jezuit I cili për here të pare e shpëton nga vdekja e etjes Ben Hurin.

Halit Bogaj: Ben Huri - Laureat i 11 çmimeve oskarë U1_Ben-Hur-Photograph-C12145358

Halit Bogaj: Ben Huri - Laureat i 11 çmimeve oskarë U1_Ben-Hur-Photograph-C12145358

Vitet kalonin kurse Ben Huri ishte gjendur rastësish në anijen luftarake të konzulit romak Kuintus Arius, I cili e kishte për detyrë nga Cezari romak që t’I shkatërronte anijet e kusarëve maqedonas.Kur anija e tij gati përmbytej, Ariusin e shpëton Juda Ben Huri, të cilin admirali e shpërblen me liri dhe me adoptim si birin e vetë legjitim.Edhepse jetonte në Romën e pasur dhe si djali legjitim I një ushtaraku të lartë, Ben Huri donte të kthehej në atdheun e tij të dashur ku e kishte nënën dhe motrën dhe ku gjithsesi donte të hakmerrej ndaj armikut të vetë të përbetuar I cili I kishte shkaktuar aq shumë dhembje dhe mundime.

Pas kthimit në atdhe, Ben Huri e sfidon Mesalën në dyluftimin me karroca kuajsh, duke e mundur kundërshtarin për vdekje me ç’ rast ai edhe duke vdekur dëshiron ta hidhërojë edhe më tepër Ben Hurit të cilit I tregon se nëna dhe motra gjendeshin në Lendinën e leprozave.Më në fund Ben Huri e kupton se deri ku kishte mundur të shkonte urrejtja e çmendur njerëzore e një njeriu të cilin e kishte pasur dikur shok të jetës së vetë rinore.

Ben Huri nuk gjente qetësi të brendshme shpirtërore gjersa I takon nënën dhe motrën, por pas kryqëzimit të Krishtit, gjithçka përfundon mire, ngase duke ndodhur çudia, Jezusi ia shëron nënën dhe motrën nga leproza.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31