Shpërthim në Ingusheti - 20 të vrarë

Shpërthim në Ingusheti - 20 të vrarë

Zyrtarë të Ingushetisë thonë se një kamion bombë shpërtheu sot në komandën e policisë të qytetit Nazran. Sipas tyre, kamioni u përplas me portat e kompleksit policor dhe shpërtheu ndërkohë që policët po rreshtoheshin për apelin e mëngjesit.




Ingusheti - Një shpërthim i përgjakshëm ka ndodhur sot, në një stacion të policisë, në provincën ruse të Ingushetisë.
Sipas autoriteteve lokale, në këtë shpërthim janë vrarë të paktën 20 vetë dhe janë plagosur edhe 83 të tjerë. Shpërthimi ka ndodhur në stacionin policor kryesor të qytetit Nasran.
Sipas hetimeve të para, bëhet fjalë për lënda shpërthyese që ishte vendosur në një automjet të policisë.
Muajt e fundit, militantët myslimanë në veri të Kaukazit kanë kryer disa sulme të përgjakshme kundër institucioneve ruse, në Ingusheti dhe në Çeçeninë fqinje. Tri ditë zie në Ingusheti
Kryeministri i republikës ruse të Ingushetisë, Rashid Gajsanov, ka shpallur zi kombëtare tri ditëshe për të nderuar viktimat e sulmit të sotëm vetëvrasës në qytetin Nasren. Në këtë sulm, në shënjestër të të cilit ishte stacioni kryesor i policisë, e humbën jetën së paku 20 persona dhe u plagosën rëndë e lehtë 83 persona.
Midis të lënduarve janë edhe dhjetë fëmijë. Autoritetet qeveritare kumtuan se sulmi është kryer nga një sulmues vetëvrasës, me një kamion me 20 kg TNT. Kamioni e ka shkatërruar portën e oborrit të stacionit të policisë, në kohën e rreshtimit të pjesëtarëve të policisë. Pas shpërthimit, ndërtesa është përfshirë nga zjarri.
Presidenti i Rusisë, Dmitrij Medvedev, ka kërkuar nga autoritetet qeveritare të Ingushtesisë që të ndërmarin masa shtesë për vendosjen e rendit në këtë republikë. Presidenti i Ingushetisë, Junus-Bek Jevrukov ka urdhëruar shtimin e masave të sigurisë në objektet shtetërore.
Që nga shpërbërja e Bashkimit Sovjetik në vitin 1991, forcat qeveritare kanë vazhduar luftimet me separatistët në Ingusheti, Çeçnje dhe pjesë të tjera të Rusisë jugore.
Shkëmbimet e zjarrit dhe incidente të tjera të shoqëruara me viktima janë një dukuri e zakonshme në republikat e trazuara jugore të vendit.
Ingusheti: 20 të vrarë nga kamioni bombë