Gjinekologu dyshohet për dhunimin e 53 femrave

Gjinekologu dyshohet për dhunimin e 53 femrave


Nga Express

Gjinekologu nga Brazili, Rozhe Abdelmashih, i punësuar në një klinikë elite në Sao Paolo, është arrestuar nën dyshimin se ka dhunuar 53 paciente të tij.

Mediet braziliane njoftuan se Abdelmashih, 66 vjet, është baba i pesë fëmijëve dhe se ka 12 nipër. Sipas dëshmive të disa pacienteve të tij, disa prej tyre janë detyruar të kenë marrëdhënie me të, ndërsa të tjerat ai i ka dhunuar përderisa kanë qenë nën anestezion.

Duke pasur parasysh se bëhet fjalë për një klinikë elite, pacientet e Abdelmashiht në të shumtën e rasteve kanë qenë personalitete publike. Vetë Abdelmashih është lavdëruar se që nga viti 2006, nën mbikëqyrjen e tij kanë lindur 6 mijë fëmijë.

Avokatët e klinikës kanë theksuar se arrestimi i Abdelmashihit nuk është bërë në përputhje me ligjin dhe kanë theksuar se do të kërkojnë lirimin e tij.

Nëse Abdelmashih shpallet fajtor, ai mund të dënohet me 10 vjet burg.