SHBA kërkon nga Bangladeshi të njohë Kosovën e pavarur

SHBA kërkon nga Bangladeshi të njohë Kosovën e pavarur

'Unë e ngre edhe një herë çështjen e njohjes së Kosovës nga Bangladeshi dhe i kërkoj qeverisë së Bangladeshit që ta njohë Kosovën, sa më shpejt që të jetë e mundur', thotë ambasadorti amerikan.



Ambasadori amerikan në Daka, Xhejms Moriarti.
Shtetin e Kosovës e kanë njohur tashma 62 vende të botës dhe se Kosova tani është anëtare e Bankës Botërore dhe e Fondit Monetar Ndërkombëtar.

Daka - Shtetet e Bashkuara të Amerikës kërkuan sërish që Bangladeshi ta njohë pavarësinë e Kosovës, sa më shpejt që të jetë e mundur. Kjo kërkesë është bërë nga ambasadori amerikan në Daka, Xhejms Moriarti, pas një takimi një orësh me ministrin e Jashtëm të Bangladeshit, Dipu Moni, në Daka. "Unë e ngre edhe një herë çështjen e njohjes së Kosovës nga Bangladeshi dhe i kërkoj qeverisë së Bangladeshit që ta njohë Kosovën, sa më shpejt që të jetë e mundur", ka thënë ambasadorti amerikan. Ai ka thënë se shtetin e Kosovës e kanë njohur tashma 62 vende të botës dhe se Kosova tani është anëtare e Bankës Botërore dhe e Fondit Monetar Ndërkombëtar. "Kam përshtypjen se qjo (qeveria e Bangladeshit) do ta marrë në konsideratë këtë çështje, edhe një herë", ka thënë Moriartri, duke iu përgjigjur pyetjes së cila ka qenë përgjigja e ministrit Moni lidhur me kërkesën për njohjen e pavarësisë së Kosovës.