Poezi nga Blerim Rrecaj

nga **Agim Gashi** Fri Aug 21, 2009 1:00 am

Blerim Rrecaj

Duke parë kopertinën e një libri

Gjethet paskan filluar të bijnë,
Duket qenka dhe vjeshtë…
Në majën e asaj peme,
E vërejta atë fytyrë-imazh femre
Që se pashë dikur…

Duke shkuar në shtëpi

Dikur i pakënaqur ndahesha prej teje,
E bleja “Clirimin” dhe kthehesha në shtëpi…

Sot duke shkuar në shtëpi
Çadrën e mbaj në krah si pushkën-
Sa herë që më bie ndërmend
Rrezikimi i atdheut…

I vetëm

I vetëm endem nëpër Veternik,
Së shpejti do të bëhem hije…

Njëra prej parandjenjave

Tregimin më të mirë
Për mua,
Do ta shkruaj
Ajo grua!...

Të qeshura

Një e qeshur familjare,
Llafe, biseda e hajgare…
Ca inate e mërira
Nëpër koka turbullira…

Planifikim

Planifikova dhe u bëra gati
Të nisem në pyll.
Një cingërrimë telefoni,
Ma ndërroi drejtimin.
E ky takim a do të jetë me dromca interesante
Në këtë histori njerëzimi…?

Psherëtimë

Në një rrugë në Prishtinë
Lëshoj një psherëtimë.
Ndoshta të gjitha rrugët
Që ka Prishtina
Janë të mbushura
Me psherëtima…

Në një ndejë

Njëri thoshte : Jam më i madh se Lorka.
Tjetrin: E brente xhelozia.
Unë të dyjve u jap plotësisht të drejtë,
As vetes s’i jap plotësisht të drejtë…

Përfolje

Për dikë dikush tha:
“Djalë i pasherr, por e mundon diç…”
Për mua dikush a do të thotë:
“Lumë i rrëmbyeshëm
E fëmijë i padjallëzuar…”

Lojë fjalësh

Sot shumëçka bosh
E shumëçka kot…
Lojë e monotone fjalësh: Sot-bosh-kot…

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30