Sikur të ishte ndeshje hendbolli!

Sikur të ishte ndeshje hendbolli!

Islam Fejzullahu
Halmstadt: Andersberg IK - Serbiska Halmstad 17:1



Lavdim Syla e Fidan Jashari shënuan nga 4 gola


Që në start të hapjes së edicionit të ri në rangun e gjashtë për rajonin e Halandit, klubi Andersberg IK shënoi fitore shumë të thellë kundër ekipit Serbiska Halmstad me rezultat të thellë 17:1.
Andersberg IK:Y. Ramadani, Sh. Ramadani, Morina, Qerimaj, Sh. Greiçevci, Nikçi, Dibrani, F. Greiçevci, Syla, Jashari dhe Shulemaja. Luajtën edhe Qerimaj,Tahiri e E. Morina.
Është ky një rezultat i cili po të zhvillohej ndeshje hendbolli do të ishte rezultat i lartë e lëre në futboll. E vërteta qëndron në atë sepse djelmoshat tanë nën drejtimin e të palodhshmëve Hysni Bela e Albi Kosumi dëshmuan se nuk janë radhitur rastësisht në vendin e tretë në edicionin e kaluar, me pikë të njejta me kundërshtarët por në sajë të goldiferencës më të dobët. Të udhëhequr sot nga shumë të disponuarit Fidan Jashari dhe Lavdim Syla të cilët u regjistruan në listën e realizatorëve nga katër herë pastaj Albert Syla dhe Kujtim Dibrani nga tre herë dhe Ilirian Tahiri dy herë dhe Adem Nikçi një herë, i dëshmuan kundërshtarit se nuk është i denjë për t´u përballë.
Një numër bashkatdhetaresh tanë kishin dalë në këtë pasdite me shi që të përcjellin lojën e djelmoshave tanë të cilët nuk i zhgënjyen në fund të takimit. Përveë lojës së bukur që treguan me aksione shumë të bukura ata disponuan edhe aftësi fizike në përgatitje të mirë, të cilët në asnjë moment nuk i lejuan kundërshtarit që të ketë çasje pranë portës së tyre, përveç një rasti kur portieri ynë gjatë intervenimit rrëshqiti nga lagështia dhe mori një gol.
Pas përfundimit të takimit të gjithë u zotuan se kjo nuk do të mbetet rastësi por do të dëshmojë se kemi kapacitet për rang më të lartë garash të cilin edhe do ta kurorëzojmë në fund të sezonit. Vlen të theksohet se loja edhepse me një kundërshtar çfar e dijmë të gjithë kush ishin ata loja ishte fer dhe pa kurrfarë vërejtjesh nga ana e gjyqtarëve të cilët në fund uruan sidomos djelmoshat tanë për lojë fer.