Garda presidenciale gjermane nderon ambasadorin Mirëdita

Garda presidenciale gjermane nderon ambasadorin Mirëdita

Diplomaci




Pas dorëzimit të letrave kredenciale te presidenti i gjermanisë Horst Kohler, ambasadori i Kosovës në Gjermani, Vilson Mirëdita deklaroi se ky ishte një moment i veçantë për mua dhe ishte një moment emocional kur në pallatin presidencial - Kështjellën Bellevue (Schloss Bellevue) u ngrit flamuri i Republikës së Kosovës, që u nderua edhe nga Garda Presidenciale. Kjo pra është një ditë e madhe për Kosovën, sepse për herë të parë u zyrtarizua një ambasador i Republikës së Kosovës në një shtet mik, siç është në këtë rast Gjermania. “Me presidentin Horst Köhler kishim një takim miqësor dhe zhvilluam një bisedë shumë të hapur. Bashkëbiseduam për zhvillimet dhe situatën aktuale në Kosovë. Presidenti Horst Köhler, më tregoi për vizitën e tij të bërë në vitin 1999 në Kosovë. Do të veçoja një moment shumë interesant. Ai më tregoi se ishte personi që kishte vënë themelet e Bankës Pro Kredit në Kosovë, si të thuash iniciatori për investime të kapitalit bankar gjerman në Kosovë. Ishte një moment dhe rast i mirë për t’i thënë presidentit gjerman se ka kushte shumë të volitshme për investimet gjermane atje në Kosovë” tha ambasadori Mirëdita në një intervistë për Radio Kosovën