Gjykata 30 ditë paraburgim për aktivistët e ‘vetëvendosjes’

Gjykata 30 ditë paraburgim për aktivistët e ‘vetëvendosjes’

Dafina Xhemaj, Bota sot
Gjykata Komunale e Prishtinës u ka shqiptuar nga një muaj paraburgim 20 aktivistëve të Lëvizjes 'Vetëvendosje', të cilët akuzohen për pjesëmarrje në kryerje të veprës penale dhe për dëmtim të pasurisë.



Para dy ditësh, aktivistët e Lëvizjes “Vetëvendosje” kanë demoluar rreth 25 makina të EULEX-it, me ç’rast 21 aktivistë janë arrestuar.
Aksioni i Lëvizjes “Vetëvendosja” kishte ardhur si reagim i përpjekjeve të EULEX-it për të nënshkruar protokollin me Serbinë. Dhuna e demonstruar me këtë rast është dënuar nga i gjithë spektri politik e vendit si dhe ata ndërkombëtarë


Të 20 pjesëtarët e lëvizjes “Vetëvendosje” të cilët morën pjesë në aksionin e demolimit të më se 25 veturave të EULEX-it, aksion ky që u mbajt ditën e martë në Prishtinë, sot janë dënuar për veprimet e tyre me nga 30 ditë burg nga Gjykata Komunale e Prishtinës. Ata janë arrestuar pas një aksioni të njësisë speciale të Policisë së Kosovës. Gjatë kësaj ndërhyrje ka pasur të lënduar si nga ana e pjesëtarëve të lëvizjes “Vetëvendosje” ashtu edhe nga ana e pjesëtarëve të Policisë së Kosovës. Aksioni e kundërshtonte praninë e EULEX-it në Kosovë, dhe të gjitha veprimet e tij në dhe për vendin tonë, përfshirë protokollin që EULEX do ta nënshkruajë me Serbinë për bashkëpunim me policinë kriminale të këtij shteti kriminal. Pra, jo vetëm Protokollin. Sepse Protokolli i paralajmëruar është vetëm simptoma më e re. EULEX-i është sëmundja. EULEX-i i cili thirret në sundimin e ligjit por pjesëtarët e të cilit bashkë me familjet e tyre kanë imunitet prej ligjit; EULEX-i i cili thirret në mbështetjen e institucioneve të Kosovës të cilave nuk iu jep llogari dhe mbi të cilat ka fuqi ekzekutive!
Policia e Kosovës përfshirë njësitet speciale të kësaj policie intervenuan dhunshëm gjatë aksionit të sotëm, me ç‘rast arrestuan 21 aktivistë të Lëvizjes. Ky intervenim i policisë la të lënduar aktivistin Skënder Blakaj nga Burimi, i cili është dërguar në klinikën emergjente në QKUK-së, ku po qëndron policia në pritje për ta arrestuar. Aktivistët e Lëvizjes Dardan Molliqaj dhe Fatmir Haziri janë rrahur keq nga policët gjatë rrugës për në stacionin policor dhe brenda tij. Fatmir Haziri është rrahur nga polici me numër 8062. Po ashtu është rrahur edhe aktivisti Kujtim Kosumi nga polici me numër 8676, si dhe aktivisti Salih Mehmeti nga polici me numër 8272. Një numër i aktivistëve, përfshirë Dardan Molliqajn dhe Naser Shatrin.
Aksioni i njësisë speciale të Policisë së Kosovës rezultoi me arrestimin e 20 pjesëtarëve të Lëvizjes “Vetëvendosja” të cilët pasi u mbajtën 48 orë në paraburgim, të enjten u dërguan në Gjykatën Komunale të Prishtinës ku secili prej tyre u dënuan me nga 30 ditë paraburgim. Në gjykatë ata janë shoqëruar nga një numër i madh i policëve.
Ky dënim i aktivistëve të Lëvizjes “Vetëvendosje” është dënimi më i lartë që kanë marrë një grup kaq i madh i pjesëtarëve të kësaj lëvizje. Ata deri më tash kanë organizuar disa protesta të cilat më parë kanë qenë të organizuara kundër pranisë së UNMIK-ut në Kosovë. Aktivistët e kësaj lëvizje poashtu kanë organizuar protesta edhe kundër Institucioneve të Kosovës, kundër bisedimeve me Serbinë, kundër Pakos së Ahtisarit, kundër të ashtuquajturit “gjashtëpikësh” të propozuar nga Ban Ki Muni si dhe së fundi kundër protokollit të EULEX-it me Serbinë.

Pamje nga dergimi i aktivistëve të Lëvizjës Vetëvendosje në Gjykatë