Cilës kohë i përkasin varrezat në Veshallë hiqmu qafekurr mos fol

Cilës kohë i përkasin varrezat në Veshallë

Dy vjet pas zbulimit të disa varreve në Veshallë , fshat ky i zonës së Malësisë së Sharrit, askush nuk ka dhënë një deklaratë zyrtare, ndërkohë që edhe arkeologët kanë heshtur rreth këtij rasti për të treguar të paktën se cilës kohë i përkasin këto varre.



Ekzistojnë mundësi qe këto relikte të jenë të kohës ilire


Arkeologët akoma nuk kanë dhënë një variant pavarësisht se ka thuajse dy vjet që në Veshallë u zbuluan varreza të cilat ka të ngjarë të kapërcejnë edhe jetëgjatësinë e vetë fshatit. Dy vjet pas zbulimit të disa varreve në Veshallë , fshat ky i zonës së Malësisë së Sharrit, askush nuk ka dhënë një deklaratë zyrtare, ndërkohë që edhe arkeologët kanë heshtur rreth këtij rasti për të treguar të paktën se cilës kohë i përkasin këto varre.
Gërmimet atë kohë u bënë afër shtëpisë së Dalip Shaqirit i cili për më shumë se 50 vjet nuk e kishte ditur se tre metra afër shtëpisë së tij, matanë rrugës, është një vend me varre, por u desht që ndërtimi i rrugës që lidh Veshallën me Bozovcën të zbulojë dicka të largët, ndoshta më të vjetër se vetë ai vendbanim që ndodhet disa kilometra mbi Tetovën.Kompania “Ba Kom” para më pak se dy vjet ndoshta ishte me fat që fitoi tenderin për rregullimin e rrugës, por akoma më me fat kur mjetet e specializuara të ndërtimit filluan të zgjerojnë atë zonë, për të zbuluar varre që do të bëhen objekt shqyrtimi nga ekspertë të arkeologjisë të veçantë që akoma nuk kanë dhënë të paktën variantet pë të vërtetat për vjetërsinë e tyre dhe për atë se ç’kohe i përkasin, ndërkohë që duket se ato varre janë në formë sirtarësh që japin kuptimin se janë shumë të lashta.
Ka të ngjarë që edhe në zonat përeth, do të thotë në fshatra tjerë të malësisë të ekzistojnë varreza të tilla por edhe gjëra të tjera që i përkasin një kohe tjetër.Përderisa këto varreza janë gjetur në vendbanime shqiptare, detyrimisht në ekspertizën e tyre sipas disa banorëve duhet që përveç arkeologëve maqedonas të ketë edhe shqiptarë dhe të huaj që do të merreshin me gjurmimin e tyre, por të paktën deri tani nuk ka asnjë variant zyrtarë ose nga njerëz kompetent që do të rrëfenin për lashtësinë e varrezave dhe për gjëra të tjera në ato zona. Meqë nuk ka shenja të tjera hapet mundësia e interpretimeve të ndryshme rreth lashtësisë. Dalip Shaqiri pati thënë se kishte dëgjuar nga më të vjetërit se ekzistojnë diku varre, por nuk dihej saktë vendi i tyre. Kjo ka ndodhur krejt rastësisht pasi duhej ndërtuar një rrugë që është e domosdoshme për qarkullimin më të lirë dhe më të sigurtë të njerëzve që jetojnë në ato vendbanime malore.
Por shumica e banorëve edhe sot nuk mund të thonë asgjë sepse kjo nuk është në kompetencë të tyre dhe nuk mund të përcaktojnë asgjë rreth këtij rasti, për shkak se ato janë në kompetenca të të tjerëve, mirëpo kjo jep shenjat e para që ajo zonë të ketë edhe shumë elemente të tjera që i përkasin vjetërsisë jo vetëm të këtyre varreve, por edhe gjëra të tjera ne vendet përreth.
Zbulimi i këtyre varrezave për kohën e tyre është i nevojshëm jo vetëm për banorët e asaj zone, por edhe për të tjerët. Përderisa nuk ka komentime nga më të vjetërit rreth këtij rasti , ato varreza ka të ngjarrë të kapërcejnë jetëgjatësinë e vet atij fshati.Ka shumë mungesë informacionesh dhe rrëfimesh, qoftë edhe ndonjë gojëdhënë e vetme për atë vend nga më të moshuarit të cilët nuk janë të gatshëm të rrëfejnë asgjë më tepër.Varrezat në atë pjesë mendohet se janë shumë të lashta dhe janë shumë specifike. Ato madje ngjajnë si tuba ilire, por prap u përketë ekspertëve të verifikojnë lashtësinë sepse banorët nuk kanë ndonjë mekanizëm për të verifikuar atë, ndërkohë që në zonat malore ka edhe plot rrugë të tjera që duhet rregulluar.