Grevë e nënave gjakovare në morgun e Prishtinës

Grevë e nënave gjakovare në morgun e Prishtinës

Kastriot Shehdadi, Bota Sot
”Kaluan 10 vite nga përfundimi i luftës në Kosovë dhe ende rezultojnë edhe 1904 qytetarë të Kosovës të rrëmbyer e të zhdukur, ku nga ky numër mbi 400 trupa ende mbahen në kontenjerët e morgut të Prishtinës, Zyra për Persona të Zhdukur dhe Mjekësi Ligjore – OMPF – EULEX” thuhet në komunikatën e “Thirrjeve të Nënave”.




Shoqata “Thirrjet e Nënave”, me datë 31 gusht të hënën, do të vazhdojë aktivitetin me protestë në shenjë pakënaqsie të rezultateve të pamjaftueshme të zbardhjes së fatit të të pagjeturve dhe identifikimin e mbetjeve mortore që mbahen në morgun e Prishtinës.

Duke filluar nga dita e premte deri në ditën e pasnesërme ku koincidon me Ditën Ndërkombëtare të të Zhdukurve. Shoqata Familjare të të Pagjeturve dhe Shoqata “Thirrjet e Nënave” do të organizohen për të kujtuar të rrëmbyerit jo vetëm nga komuna e Gjakovës por nga mbarë Kosova dhe njiherit për të apeluar për ndriçimin e fatit të çdo të zhdukuri.Nga keto organizime është paraparë që të hënën të hyhet në grevë dhe atë në morgun e Prishtinës. ”Kaluan 10 vite nga përfundimi i luftës në Kosovë dhe ende rezultojnë edhe 1904 qytetarë të Kosovës të rrëmbyer e të zhdukur, ku nga ky numër mbi 400 trupa ende mbahen në kontenjerët e morgut të Prishtinës, Zyra për Persona të Zhdukur dhe Mjekësi Ligjore – OMPF – EULEX” thuhet në komunikatën e “Thirrjeve të Nënave”. Më pas, në të njëjtën theksojnë se “edhe pas një dekade me shum angazhime dhe aktivitete të mundimshme dhe shpirt të plaguar të familjarëve të Pagjetur, viteve të fundit shifet qart stagnimi i zbardhjes së fatit të të Pagjeturve dhe identifikimi i trupave të më të dashurve tanë që mbahen në morgun e Prishtinës – OMPF të rrëmbyer gjatë luftës në Kosovë 1998 – 1999 nga regjimi serbo – malazez”.Sipas njoftimeve të organizatorëve, në pasditën e 28 gushtit, Komisioni Qeveritar dhe Shoqatat familjare të të Pagjeturve të Kosovës do të mbahet takim me kryetarin e Komunës së Gjakovës Pal Lekajn, bashkë me familjarët e personave të Pagjetur të Komunës.Pas takimit do të bëhen homazhe Martirëve të Kombit në “Kodrën e Çabratit” dhe në “Lëndinën e Pikëllimit” në Meje. Ndërkaq, Shoqata “Thirrjet e Nënave”, me datë 31 gusht të hënën, do të vazhdojë aktivitetin me protestë në shenjë pakënaqsie të rezultateve të pamjaftueshme të zbardhjes së fatit të të pagjeturve dhe identifikimin e mbetjeve mortore që mbahen në morgun e Prishtinës. Bëhet e ditur se do të protestohet para Komitetit të Kryqit të Kuq Ndërkombëtar, Komisionit Ndërkombëtar për Persona të Zhdukur dhe Zyrës për Persona të Zhdukur dhe Mjekësi Ligjore,OMPF–EULEX.Sipas organizatorëve, arsyeja e mbajtjes së grevës në morg është se këtu qëndrojnë trupat e më të dashurve të cilët me vite të tëra mbahen në kontenjerët e morgut të Prishtinës. ”Neglizhenca e vullnetit të institucioneve vendore dhe ndërkombëtare për këtë çështje shum të rëndë na obligon që të marrim këtë hap ashtu të rënduar sepse çelësi i zgjidhjes së identifikimit të trupave që gjenden në morgun e Prishtinë,pasi OMPF është në Kosovë. Prandaj kjo çështje ka zgjidhje dhe mund të mbyllet kjo plag e rend për shumë familje. Prandaj kërkojmë që në mënyrë urgjente të bëhet identifikimi i trupave pasi që ekzistojnë mënyrat shkencore për identifikim” thuhet në komunikatën e organizatorëve të grevës në Ditën Ndërkombëtare të të Zhdukurve. Sipas shoqatës “Thirrjet e Nënave”, nënat janë të vendosura që kësaj here të mos kthehen në shtëpitë e tyre pa u bërë identifikimi sepsa janë të bindura se trupat e familjarëve të tyre gjenden në morg dhe se, po sipas tyre, durimit i ka ardhur fundi!