Një dekadë ankth dhe zhgënjim

nga **Agim Gashi** Sun Aug 30, 2009 12:01 am

Një dekadë ankth dhe zhgënjim
“Në mbarë Kosovën shumë familje përballen me ankthin për të pagjeturit, por edhe me zhgënjimin e madh se edhe dhjetë vjet pas luftës ende nuk është zbardhur fati i familjarëve të tyre”, tha Ramë Manaj

29 Gusht, 2009

Therandë, 28 gusht
Në kuadër të Ditës ndërkombëtare për të pagjeturit, sot në orët e vona të pasdites, zëvendëskryeministri i Kosovës, Ramë Manaj vizitoi komunën e Therandës dhe u takua me kryetarin e komunës, dr. Sali Asllanaj dhe me familjarët e personave të pagjetur. Ramë Manaj tha se ka ardhur në Therandë që në mënyrë simbolike ta shënojë këtë ditë të dhembjes, përkujtimit dhe respektimit të fatit të personave ende të pagjetur. “Në mbarë Kosovën shumë familje përballen me ankthin për të pagjeturit, por edhe me zhgënjimin e madh se edhe dhjetë vjet pas luftës ende nuk është zbardhur fati i familjarëve të tyre”, tha Ramë Manaj dhe shtoi se ende nuk dihet për fatin rreth 1900 personave. “Institucionet e Kosovës janë duke bërë përpjekje të mëdha që të gjendet edhe personi i fundit, por ky është një proces shumë i ndërlikuar, se kemi të bëjmë me një armik të përbetuar, Serbinë, që ka pasur për qëllim të vrasë, të masakrojë dhe të bëjë më shumë krime gjenocidi ndaj popullatës shqiptare. Zyrtarët e Serbisë e dinë shumë mirë për fatin e çdo rasti individual dhe grupor të personave që i kanë kidnapuar, vrarë e masakruar, eksponentët e politikës serbe nuk janë interesuar për t`i japin të dhënat për personat e pagjetur. Jemi të vetëdijshëm se më pak do të ishte një përfundim i dhembshëm, se shumë më dhembshëm është mosgjetja kurrnjëherë e të pagjeturve. Përkundër problemeve të mëdha rreth këtij problemi shumë të ndërlikuar, do të bëjmë përpjekje për zbardhjen edhe të personit të fundit”, tha pos të tjerave Ramë Manaj. Ndërkaq Halit Berisha tha se në komunën e Therandës forcat serbe kanë vrarë e masakruar 573 persona. Në vitin 1999 kemi pasur 173 persona të pagjetur, kurse sot të pagjetur konsiderohen edhe 137 persona. Ai kërkoi që institucionet e Kosovës të angazhohen më shumë për fatin e personave të pagjetur. Më pas zv/kryeministri Ramë Manaj vizitoi familjen e Xhelal Berishë, së cilës forcat serbe më 26 mars 1999 ia kanë vrarë e masakruar 22 anëtarë të familjes, që numri më i madh i tyre konsiderohen të pagjetur.
Rr. REXHAJ

gjakova
29 Gusht, 2009 më 14:24:04
Kosova ka nevojë për një Simon wiesental i cili do të merrej me përndjekjen e kriminelëve të luftës në Kosovë kudo që janë në rruzullin tokësor . Televizioni i Prishtinës të bëjë një emision ku do të merrnin pjesë familjarët e gjallë të të zhdukurve nga të gjitha viset e Kosovës ku do të rrëfejnë se si u zhduken të afërmit e tyre . në emision të jenë present edhe ekspertet e policisë së Kosovës të cilët do të marrnin informata nëpërmes telefonit nga ata të cilët dijnë dicka për kryesit e këtyre veprave kriminale .Ky emision të transmetohet nji herë në javë .Êshtë detyrë e cdo qytetari të Kosovës për të dëshmuar kundër kriminelëve serb që sot sillen të lirë kurse në presim mëshirë që serbët të na këthejnë ¨më të dashurit tanë .Vepro.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30